فوتو: akorda.kz
مەملەكەت باسشىسىنا توتەنشە جاعدايلار مينيسترلىگىنىڭ شتاتتىق قۇرىلىمىن وڭتايلاندىرۋ جانە ماتەريالدىق-تەحنيكالىق قۇرالدارمەن جابدىقتالۋ دەڭگەيىن ارتتىرۋ ماسەلەلەرى تۋرالى باياندالدى.
شىڭعىس ءارىنوۆ ازاماتتىق قورعاۋ اكادەمياسىنىڭ قۇرىلىسى, اۋە اۆياتسياسى پاركىن جاڭارتۋ جانە كاسپي تەڭىزىنىڭ جاعاسىندا ۇلتتىق تەڭىز جاساعىن قۇرۋ جۇمىستارى جايىندا ايتتى.
ءمينيستردىڭ ايتۋىنشا, 20 ءورت ءسوندىرۋ دەپوسىنىڭ قۇرىلىسى جۇرگىزىلىپ جاتىر, سونداي-اق ەلوردادا تەز قۇراستىرىلاتىن ءورت ءسوندىرۋ دەپوسى مەن جاتاقحانا سالۋ جونىندەگى پيلوتتىق جوبا ىسكە قوسىلعان. بۇدان بولەك, مينيسترلىك ءارتۇرلى تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ جانە جەدەل ارەكەت ەتۋ شارالارىن جەتىلدىرۋ جۇمىستارىن جۇرگىزۋدە.
سونىمەن قاتار پرەزيدەنتكە قۇتقارۋ بولىمشەلەرىن تسيفرلاندىرۋ, كادرلىق الەۋەتتى ارتتىرۋ جانە ازاماتتىق قورعاۋ ورگاندارى قىزمەتكەرلەرىن الەۋمەتتىك تۇرعىدان قولداۋدى كۇشەيتۋ شارالارى تۋرالى مالىمەت بەرىلدى.
كەزدەسۋ سوڭىندا قاسىم-جومارت توقاەۆ ازاماتتاردىڭ قاۋىپسىزدىگىن قامتاماسىز ەتۋ جانە تجم قۇرىلىمىن جەتىلدىرۋ جونىندە بىرقاتار ناقتى مىندەت جۇكتەدى.
