فوتو:قتج
تايجانوۆتىڭ ايتۋىنشا, جاز ايلارىندا جولاۋشىلار تاسىمالىنا سۇرانىس ەداۋىر ارتادى.
«مۇندا وبەكتيۆتى سەبەپتەر بار. ءبىرىنشى سەبەپ - ينفراقۇرىلىمنىڭ توزۋى. بۇگىندە بۇل كورسەتكىش 56%-عا جەتتى. ماگيسترالدىق قوزعالىس ەسكىرگەن. ءبىز ءۇشىن ەڭ ماڭىزدى مىندەت – قاۋىپسىزدىكتى قامتاماسىز ەتۋ. سوندىقتان تەمىر جولدا, ماگيسترالدا جىل سايىن جازعى كەزەڭدە جوندەۋ-جول جۇمىستارى جۇرگىزىلەدى», دەدى جانىبەك تايجانوۆ.
باسقارما توراعاسىنىڭ ايتۋىنشا, 2030 جىلعا قاراي قازاقستاندا ەسكى, توزىعى جەتكەن ۆاگونداردىڭ بارلىعى ەسەپتەن شىعارىلۋى كەرەك. ولاردىڭ ورنىنا جاڭاسىن ساتىپ الۋ جوسپارلانىپ وتىر.
ەگەر قاجەتتى پويىزعا بيلەت جوق بولسا, جولاۋشىلارعا كەزەككە تۇرۋعا كەڭەس بەرىلەدى. 2023 جىلى بۇل قىزمەتتى 170 مىڭعا جۋىق جولاۋشى پايدالانىپ, كەيىن بيلەتتەردى ساتىپ الۋ مۇمكىندىگىن الدى.
جانىبەك تايجانوۆتىڭ پايىمىنشا, پويىزداردىڭ كەشىگۋىنە بيىل قازاقستاندا بولعان اۋقىمدى سۋ تاسقىنى دا سەبەپ بولدى.
«بيىلعى اۋقىمدى سۋ تاسقىنىنا تەمىرجول توتەپ بەردى, ەشقانداي ماسەلەلەر بولعان جوق, بىراق سۋ تاسقىنىنان كەيىن كوپتەگەن جول تايعاق بولىپ كەتكەن. جوندەۋ جۇمىستارى جۇرگىزىلىپ جاتىر, وسىعان بايلانىستى جولاۋشىلار پويىزدارى كەشىگىپ جاتىر», دەپ تۇيىندەدى تايجانوۆ.
قىرمىزى جۇماعاليقىزى,
