فوتو: dauletten.kz
ۇلاندىق ساربازدار ازاماتشادان قىسقاشا مالىمەت الىپ, اسكەري جاساق كەزەكشىسىنە بايانداپ, دەرەۋ ىزدەۋگە كىرىسكەن. شۇعىل ىزدەستىرۋ ءىس-شارالارىنىڭ ناتيجەسىندە اسكەري جاساق كەزەكشىسى كاپيتان دايىر ابۋكەنوۆ, اسكەري جاساق باستىعى قاتارداعى اسەت جاڭاباي جانە پاترۋلدەۋشى ساقشىلار رامازان سەرىكباي مەن ءاليحان امانجول جوعالعان بالانى جارتى ساعات ىشىندە تاپقان.
«اناسىنان جوعالعان بالاقاي تۋرالى بەلگىلەردى سۇراپ العاننان كەيىن بىردەن ىزدەۋگە كىرىستىك. كەشكى ۋاقىت بولعاندىقتان كوشەدە ادام كوپ بولدى. جان-جاقتى بارلاۋ كەزىندە سىرت كەلبەتى جوعالعان بالانىڭ كيىمى, بويى, جاسىنا سايكەس كەلەتىن بالانى بايقاپ قالدىق. ناقتىلانعان سوڭ, كومەك سۇراعان ازاماتشاعا حابارلاسىپ, بالاسىن تابىستادىق», دەيدى كاپيتان د.ابۋكەنوۆ.
بالاسىمەن قاۋىشقان انا ساربازدارعا العىس ءبىلدىرىپ, 5514 اسكەري ءبولىم كومانديرىنىڭ اتىنا حات جولدادى.
