فوتو: اشىق دەرەككوز
باعدارلامانىڭ باسىم تۇسى كوپ
سونداي يگىلىككە قول جەتكىزگەن مامانداردىڭ ءبىرى – الماتى وبلىسى ەڭبەكشىقازاق اۋدانى تۇرگەن اۋىلىنىڭ تۇرعىنى بايانسۇلۋ ازىمباەۆا. ول 2013 جىلى ەسىك قالاسىنداعى پەداگوگيكالىق كوللەدجدە مۇعالىم ماماندىعىن مەڭگەرىپ, ازات اۋىلىنداعى مەكتەپتە ەڭبەك جولىن باستادى. سول جىلى-اق «ديپلوممەن – اۋىلعا» باعدارلاماسىنىڭ قاتىسۋشىسى رەتىندە ءۇي الۋدى قالايتىنىن ءبىلدىرىپ, كەزەككە تۇردى. بىراق بۇل قالاۋى تەك وتكەن جىلى ورىندالدى.
«وتكەن جىلدىڭ ءساۋىر ايىندا «وتباسى بانك» كومەگىمەن كوپتەن كۇتكەن ءۇيىمنىڭ كىلتىن قولىما الىپ, باسپانالى بولدىم. «ديپلوممەن – اۋىلعا» باعدارلاماسىنىڭ قاتىسۋشىسى رەتىندە ماعان وتە وڭتايلى شارتتار ۇسىنىلدى. قۇجاتتاردى تاپسىرۋ, ءۇيدى رەسىمدەۋ جۇمىستارى دا كوپ ۋاقىت العان جوق. ءسويتىپ, ءتيىمدى تالاپتار ارقىلى ءۇي الدىم. جاس وتباسى ءۇشىن بۇل – زور باقىت. اتاپ وتەرلىگى, ەكى-ءۇش جىلدىق تاجىريبەسى بار ارىپتەستەرىم دە اتالعان باعدارلاما اياسىندا «وتباسى بانك» ارقىلى ۇيگە زاەم راسىمدەۋ ءۇشىن قۇجاتتارىن رەتتەپ جاتىر. سودان-اق بۇل باعدارلامانىڭ جوعارى سۇرانىسقا يە ەكەنىن بايقاۋعا بولادى», دەيدى تۇرگەن اۋىلىنداعى قوناەۆ ورتا مەكتەبىنىڭ ۇستازى.
وسى ورايدا مارتەبەلى ماماندىق يەسى بانك ۇسىنىپ وتىرعان باعدارلامانىڭ باسىم تۇستارى بارشىلىق ەكەنىن دە ەرەكشە اتاپ ءوتتى. ايتۋىنشا, «ديپلوممەن – اۋىلعا» ەلدى مەكەندى وركەندەتىپ, مۇنداعى سان سالانىڭ ىلگەرىلەۋىنە سۇبەلى ۇلەس قوسۋدى قالايتىن ازاماتتار ءۇشىن قولايلى ءارى ءتيىمدى.
«مەن قاراپايىم تۇتىنۋشى رەتىندە بانكتىڭ بۇل باعدارلاماسىنىڭ نەگىزگى ارتىقشىلىقتارىن بىردەن بايقادىم. باستىسى – ەلدى مەكەندەگى ءۇيدى يپوتەكاعا رەسىمدەۋ مۇمكىندىگىنىڭ بولۋى. سالىستىرمالى تۇردە قاراساق, باسقا قارجى ينستيتۋتتارى اۋىل تۇگىلى شاعىن قالالاردا باسپانا الۋعا نەسيە بەرە قويمايدى. ەكىنشىدەن, باستاپقى جارنا مۇلدە جوق. وزگە يپوتەكا بويىنشا قارىز سوماسىنىڭ كەم دەگەندە 20 پايىزىن مىندەتتى تۇردە تالاپ ەتسە, بۇل باعدارلامادا مۇنداي شارت جوق. ۇشىنشىدەن, اي سايىنعى تولەم قالتانى قاقپايدى. ماسەلەن, قاراپايىم يپوتەكا العان ازاماتتار قازىر اي سايىن ورتا ەسەپپەن العاندا 150 مىڭ تەڭگە تولەيدى دەلىك. مەن 5 ملن 175 مىڭ تەڭگەنى 15 جىلعا رەسىمدەپ, اي سايىن بار-جوعى 30 مىڭ تەڭگە كولەمىندە تولەم جاساپ وتىرمىن. بانك نەسيەنى 0,01 پايىزدىق جىلدىق مولشەرلەمەمەن بەرەدى. ونى سۋ تەگىن دەپ تە ايتۋعا بولادى. وسىنىڭ بارلىعىن سارالاي كەلە, «وتباسى بانك» ارقىلى بەرىلەتىن «ديپلوممەن-اۋىلعا!» باعدارلاماسى اياسىنداعى يپوتەكانىڭ باسىم جاعى كوپ دەر ەدىم», دەيدى بايانسۇلۋ قايراتقىزى.
سۋرەتتە بايانسۇلۋ ازىمباەۆا
وڭاي, تەز ءارى ىڭعايلى
ايتا كەتەيىك, ۇلتتىق ەكونوميكا مينيسترلىگىنىڭ شەشىمىمەن وتكەن جىلدىڭ 1 ساۋىرىندە «ديپلوممەن – اۋىلعا» باعدارلاماسىنىڭ ۋاكىلەتتى اگەنتى بولىپ «وتباسى بانك» اق بەلگىلەنگەن ەدى. سول ارقىلى اۋىلدىق جەرلەردە جوعارى سۇرانىسقا يە مامانداردىڭ باسپانالى بولۋىنا ءتيىمدى جاعداي جاسالدى. ولار باستاپقى جارناسىز جانە تومەن پايىزدىق مولشەرلەمەمەن تۇرعىن ءۇيدى ساتىپ الۋعا نەمەسە سالۋعا نەسيە الا الادى. باستىسى, قولىندا ديپلومى بار, سول ديپلوم نەگىزىندە ەلدى مەكەندە سۇرانىسقا يە ماماندىق بويىنشا جۇمىس ىستەيتىن ازامات بولسا بولعانى.
بيىل باعدارلاماعا قاتىسۋعا ءوتىنىش قابىلداۋ 27 مامىردا باستالدى. «وتباسى بانك» تۇرعىنداردىڭ ۋاقىتىن ۇنەمدەپ, ىڭعايلى جاعداي جاساۋ ماقساتىندا «ديپلوممەن-اۋىلعا» جوباسىن تسيفرلىق فورماتقا اۋىستىردى. ەندى ءوتىنىشتى otbasybank.kz جىلجىمايتىن م ۇلىك پورتالىندا ونلاين رەجيمدە قالدىرۋعا بولادى. بۇل رەتتە «وتباسى بانكىنىڭ» مەملەكەتتىك دەرەكتەر بازاسىمەن ينتەگراتسيالانۋى جانە «ۆlockchain» تەحنولوگياسىن قولدانۋى ناتيجەسىندە دە ىڭعايلى جاعداي قاراستىرىلدى. ازاماتتارعا ءتۇرلى مەكەمەگە بارىپ, انىقتامالار مەن قۇجاتتار الۋدىڭ ەش قاجەتى جوق. otbasybank.kz پورتالىندا تىركەلىپ, ەتسق ارقىلى قول قويسا بولعانى.
ەندى باعدارلامانىڭ شارتتارى مەن تالاپتارىنا ويىسساق. نەگىزگى تالابى سول, باعدارلاماعا قاتىسۋشى ەلدى مەكەندە دەنساۋلىق ساقتاۋ, ءبىلىم بەرۋ, الەۋمەتتىك قامتاماسىز ەتۋ, مادەنيەت, سپورت, اگروونەركاسىپتىك كەشەن, مەملەكەتتىك قىزمەت سالاسىندا ەڭبەك ەتۋى ءتيىس. ەڭبەك ءوتىلى سول اۋىلدا ماماندىعى بويىنشا 3 جىل جۇمىس ىستەگەنى ءجون.
قارىزدىڭ ەڭ جوعارى سوماسى – 2500 ايلىق ەسەپتىك كورسەتكىش كولەمى. بۇل دەگەنىڭىز – 9 ملن 230 مىڭ تەڭگە. نەسيەنىڭ مولشەرلەمەسى – 0,01 پايىز. قارىزدى 15 جىلعا دەيىنگى مەرزىمدە رەسىمدەۋگە مۇمكىندىك بار. بايقاعانىمىزداي, ەڭبەك ەتەمىن دەگەن جاستارعا اۋىلدىق جەردەن دە ءۇي الۋعا وڭتايلى جاعداي قاراستىرىلعان. مۇنداي ءتيىمدى تالاپتار وزگە جوبالاردا جوق.
بيىل اتالعان باعدارلاما بويىنشا جاستاردى قولداپ, ولارعا باسپانا بەرۋ ءۇشىن مەملەكەتتىك قازىنادان 30 ملرد تەڭگە قاراستىرىلدى. بۇگىندە ەل كولەمىندە بارلىعى 87 ءوتىنىش قابىلداندى.
تۇرعىن ءۇي جيناعى – ءتيىمدى تەتىك
جالپى «وتباسى بانك» مەملەكەتتىك باعدارلامالار اياسىندا مونوقالالار مەن اۋىلدارداعى ازاماتتاردى نەسيەلەندىرۋگە باسا نازار اۋدارادى. مەملەكەت باسشىسى جولداۋىندا وبلىس ورتالىقتارىنان اۋداندارعا, مونوقالالار مەن اۋىلدارعا نازار اۋدارۋ قاجەت ەكەنىن تىلگە تيەك ەتكەن ەدى.
سونىڭ اياسىندا «وتباسى بانك» اق اۋىلداعى اعايىنعا بۇرىنعىدان دا اۋقىمدى ۇسىنىستار جاساپ وتىر.
تۇرعىن ءۇي جيناقتارىنىڭ ساپىندا اۋىلدىقتاردىڭ دا تىرنەكتەپ جيناعان قارجىسى بار. ايتالىق, بانكتەگى 2 803 388 دەپوزيتتىڭ 920 597-ءسىن اۋىل ازاماتتارى اشقان. قازىر بانك ۇزاق مەرزىمدى سالىمدار نارىعىندا ەكىنشى ورىنعا يە. سول سياقتى بانك بەرگەن 315 803 قارىزدىڭ 24 599-ى اۋىل جۇرتشىلىعىنىڭ باسپانالى بولۋىنا وڭ ىقپال ەتتى.
جالپى سوڭعى 20 جىل ىشىندە «وتباسى بانك» كومەگى ارقىلى 521 402 وتانداسىمىز قونىس تويىن تويلادى. قارجى ينستيتۋتى بارلىق يپوتەكانىڭ 54 پايىزىن بەرىپ وتىر. جىل باسىنان بەرى 19 565 زاەم ماقۇلداندى.
مۇندايدا «تۇرعىنداردىڭ باسىم بولىگى نە سەبەپتى «وتباسى بانك» ونىمدەرىن تاڭدايدى؟» دەگەن زاڭدى ساۋال تۋىنداۋى مۇمكىن. مۇنى پايىزدىق مولشەرلەمەنىڭ تومەندىگىمەن بايلانىستىرۋعا بولادى. تۇرعىن ءۇي قۇرىلىس جيناق جۇيەسى 2-14,4 پايىز ارالىعىندا (جتسم 2%-دان 15,4%-عا دەيىن) يپوتەكالىق نەسيە بەرۋگە ءازىر. سوندىقتان تۇتىنۋشىلار تاراپىنان سۇرانىس جوعارى.
بۇگىن سونداي ءتيىمدى ونىمدەردىڭ ءبىرى – «ديپلوممەن – اۋىلعا» باعدارلاماسىن قاۋزادىق. بۇل – اۋىلداعى اعايىننىڭ قالاعان ءۇيىن الۋىنا وڭتايلى مۇمكىندىك. سول سەبەپتى ونى قالت جىبەرىپ الماڭىزدار!
