مينيسترلىك مالىمەتىنشە, مەملەكەتتىك ءبىلىم بەرۋ تاپسىرىسى كەلەسى تەحنيكالىق ماماندىقتار بويىنشا كوبەيەدى: گەولوگيا, ماشينا جاساۋ, ەنەرگەتيكا, ءىت, مەتاللۋرگيا, كولىك جانە تاعى باسقالار.
– 772 تەحنيكالىق جانە كاسىبي ءبىلىم بەرۋ ۇيىمىندا بۇگىنگى تاڭدا 542 مىڭ ستۋدەنت ءبىلىم الادى. ولاردىڭ 60 پايىزى جۇمىسشى ماماندىقتارىنا دايىندالىپ جاتىر. قازىرگى تاڭدا تجكبب بويىنشا مەملەكەتتىك تاپسىرىسپەن قامتۋ 80 پايىزعا جەتتى. ال 2025 جىلى جاستاردى سۇرانىسقا يە ماماندىقتارمەن 100 پايىز تەگىن تەحنيكالىق جانە كاسىپتىك ءبىلىم بەرۋمەن قامتۋ جوسپارلانىپ وتىر, – دەدى دەپارتامەنت ديرەكتورى اسەت مۇحانبەتوۆ.
كاسىپورىنداردىڭ وتىنىمدەرىمەن 10 مىڭ ابيتۋريەنت قابىلدانادى. قازىرگى تاڭدا 518 كاسىپورىن 410 كوللەدجدى شەفتىك قامقورلىققا العان.
