پاۆلودار وبلىسى كاسىپكەرلەر پالاتاسىنىڭ ۇندەۋىمەن ءوڭىردىڭ كاسىپورىندارى وزدەرى ورنالاسقان ەلدى مەكەندەر اينالاسىن اباتتاندىرۋ, تازارتۋ بويىنشا كەشەندى ءىس-شارالاردى جۇرگىزىپ جاتىر. اكتسياعا «تاندەم-پۆ» جشس دا بەلسەندى تۇردە قوسىلدى. ۇجىم باسشىسى پاۆەل گورباچەۆ قولاستىنداعى قىزمەتكەرلەرىمەن بىرگە سەرىكتەستىك ماڭىنداعى كوشەلەردىڭ تازالىعىن قاداعالاپ, تىرمالارى مەن كۇرەكتەرىن قولعا الىپ, تروتۋارلاردى قوقىستان تازارتتى.
ء«بىزدىڭ حالقىمىز ەجەلدەن تابيعاتقا, ءوز ءۇيىنىڭ جانە اينالاسىنىڭ تازا بولۋىنا ۇقىپتى قاراعان. ەلىمىزدە وسى يگى داستۇرلەردى جاڭعىرتۋعا ارنالعان «تازا قازاقستان» اكتسياسى ءوتىپ جاتقانى قۋانتادى. وسىنداي بىرلەسكەن ءىس-قيمىلىمىزدىڭ ناتيجەسىندە ءبىز اينالامىزدى ۇنەمى مۇنتازداي تازا ەتىپ ۇستاي الامىز», دەيدى كومپانيا ديرەكتورى پ.گورباچەۆ.
يگى باستامادان «كاۋستيك» اق قىزمەتكەرلەرى دە شەت قالعان جوق. مۇندا 129 ءتۇپ كوشەت وتىرعىزىلدى. زاۋىت جانىنداعى جاسىل بەلدەۋدە بورىقاراقات, شەتەن جانە توبىلعى اعاشتارى پايدا بولدى. كومپانيا باسشىلىعى بۇل جۇيەلى اباتتاندىرۋ جۇمىستارىنىڭ بارلىعى ءوز قىزمەتكەرلەرى مەن قالا تۇرعىندارىنىڭ جايلى ءومىر ءسۇرۋى ءۇشىن جۇرگىزىپ وتىرعاندارىن ايتادى.
ال ينەۋ كوللەدجىنىڭ ستۋدەنتتەرى اكتسيا اياسىندا وبلىس ورتالىعىنداعى جەراستى وتكەلىن بەزەندىرۋ ماقساتىندا «سۇيىكتى قالام» ارت-چەللەندجىن باستاپ كەتتى.
قازىرگى كۇنى جەر-جەردەگى جاستار ورتالىقتارى مەن جاستاردىڭ قوعامدىق ۇيىمدارى دا تازالىق جۇمىستارىن بەلسەندى ءارى تۇراقتى تۇردە وتكىزىپ جاتىر.
پاۆلودار وبلىسى
