فوتو: massaget.kz
استىق تيەۋ كەزىندە جۇمىس ورنىندا جازاتايىم وقيعا بولدى. توتەنشە جاعداي ورىن العان جەرگە جەدەل جاردەم شاقىرىلدى.
«دارىگەرلەر جارانى العاشقى حيرۋرگيالىق وڭدەۋدەن وتكىزدى, بىلەزىك بۋىنىنىڭ دىڭگەگىن قالىپتاستىردى, تراۆماتيكالىق شوكتى توقتاتتى. قازىرگى ۋاقىتتا ناۋقاستىڭ جاعدايى تۇراقتى, ورتاشا اۋىرلىقتا», دەپ حابارلادى دەنساۋلىق ساقتاۋ باسقارماسىنىڭ ءباسپاسوز قىزمەتى.
وقيعا تۋرالى ەڭبەك ينسپەكتسياسىنا حابارلاندى. سونداي-اق اتالعان فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەڭبەك قاۋىپسىزدىگى ەرەجەلەرىن بۇزۋ, سالدارىنان ابايسىزدا دەنساۋلىققا اۋىر زيان كەلتىرۋ فاكتىسى بويىنشا تىركەلدى.
بۇل سوڭعى اپتادا تىركەلگەن ەكىنشى جۇمىس ورنىنداعى جازاتايىم وقيعا. پوليتسەيلەر ءوندىرىس الاڭىندا توپىراق باسىپ قالعان 22 جاستاعى پەتروپاۆل تۇرعىنىنىڭ ولىمىنە قاتىستى تەرگەۋ جۇرگىزىپ جاتىر. دارىگەرلەردىڭ ايتۋىنشا, جابىرلەنۋشى وتا كەزىندە كوز جۇمدى.
