فوتو:polisia.kz
مامىر ايىندا وسكەمەن قالاسىندا جيھاز بيزنەسىنىڭ اتىن جامىلىپ, سينتەتيكالىق ەسىرتكى ءوندىرىسىن جولعا قويعان جەرگىلىكتى تۇرعىن ۇستالدى. ول قويمانى جالعا الىپ, جابدىقتار مەن حيميالىق زاتتار اكەلگەن.
كۇدىكتىنى ۇستاۋ كەزىندە 1,5 كگ جۋىق دايىن ەسىرتكى, ءبىر جارىم توننا پرەكۋرسور, سونداي-اق زەرتحانالىق جانە بۋىپ-تۇيۋگە ارنالعان جابدىقتار تاركىلەندى.
تەكسەرۋدەن كەيىن ونىڭ قوستاناي, پەتروپاۆل قالالارى جانە الماتى وبلىسىنداعى ۇقساس زەرتحانالارمەن بايلانىسى بار ەكەنى انىقتالدى. پوليتسيا قىزمەتكەرلەرى قىلمىسكەرلەردىڭ قوزعالىس مارشرۋتى جانە كۇن ءتارتىبىن باقىلاۋدا ۇستادى. وسىلايشا پوليتسەيلەر ءبىر مەزەتتە بىرقاتار وڭىردە جەدەل وپەراتسيا وتكىزدى.
رۋدنىي قالاسىندا دا جالدامالى ءۇيدىڭ مونشاسىن زەرتحانا ەتىپ جابدىقتاعان ەكى ادام ۇستالدى. 300 گرامنان اساتىن دايىن ەسىرتكى, حيميالىق زاتتار, قورعانىش كوستيۋمدەر جانە جابدىقتار تاركىلەندى. ال كولىكتەرىنەن ساتۋعا دايىن ەسىرتكى تابىلدى.
الماتى وبلىسىندا مەفەدرون وندىرىسىمەن اينالىسقان تاعى ەكى كۇدىكتى ۇستالدى. ءوندىرىستىڭ سوڭعى ساتىسىنداعى ەسىرتكى, پرەكۋرسورلار جانە جابدىقتار تاركىلەندى. تەرگەۋ كەزىندە ۇستالعاندار ەسىرتكى جاسىرىلعان ون جەردى كورسەتىپ, جالپى سالماعى شامامەن 3 كگ اساتىن ەسىرتكى تابىلدى.
«جالپى قالا كوشەلەرىنە سينتەتيكالىق ەسىرتكىنىڭ 11 مىڭعا جۋىق دوزاسىنىڭ تارالۋىنا توسقاۋىل قويىلدى. قابىلدانعان شارالاردىڭ ناتيجەسىندە 6 كگ استام سينتەتيكا زاڭسىز اينالىمعا ەنبەدى, 4 تونناعا جۋىق پرەكۋرسور تاركىلەندى», دەدى دەپارتامەنت باستىعى – ءىىم رەسمي وكىلى شىڭعىس الەكەشەۆ.
