ءال-فارابي اتىنداعى قازۇۋ جانە و.كۋتافين اتىنداعى ماسكەۋ مەملەكەتتىك زاڭ ۋنيۆەرسيتەتى بىرلەسىپ ۇيىمداستىرعان فورۋم ءبىرتۇتاس ەۋرازيالىق كەڭىستىكتى قالىپتاستىرۋ بويىنشا وزەكتى ماسەلەلەردى تالقىلاۋ جانە تۇيتكىلدەردى شەشۋ ءۇشىن قازاقستاننىڭ جەتەكشى عالىمدارى مەن شەتەل زاڭگەرلەرى, ساياساتتانۋشىلارى, فيلوسوفتار مەن ەكونوميستەردىڭ كۇش-جىگەرىن بىرىكتىرۋدى كوزدەيدى.
ءىس-شارانىڭ اشىلۋ سالتاناتىندا ءال-فارابي اتىنداعى قازۇۋ-دىڭ باسقارما توراعاسى-رەكتور جانسەيىت تۇيمەباەۆ فورۋم ورتالىق ازيا ەلدەرىندە قۇقىقتىق قىزمەتتەردى كورسەتۋ سالاسىنداعى ينتەگراتسيا مەن ءوزارا ءىس-قيمىلدى زاڭنامالىق رەتتەۋدىڭ وزەكتى ماسەلەلەرىن تالقىلاۋ ءۇشىن ساراپشىلاردىڭ, عالىمدار مەن پراكتيكتەردىڭ كۇش-جىگەرىن بىرىكتىرۋگە باعىتتالعانىن اتاپ ءوتتى.
«قۇقىقتىق, دەموكراتيالىق, الەۋمەتتىك مەملەكەتتىڭ ماڭىزدى مىندەتى – قازىرگى كوپپوليارلى الەمدە ادام قۇقىعى مەن بوستاندىعىن قامتاماسىز ەتۋ, كەپىلدىك بەرۋ جانە قورعاۋ. وسى اسا ماڭىزدى مىندەتتى شەشۋگە 2022 جىلعى قازاقستانداعى كونستيتۋتسيالىق رەفورما جانە وسى سالاداعى كونستيتۋتسيالىق-قۇقىقتىق زاڭنامانى ودان ءارى جەتىلدىرۋگە باعىتتالدى. بۇگىنگى فورۋمداعى پىكىرسايىس مەملەكەتتىك قۇرىلىستىڭ وزەكتى ماسەلەلەرىن شەشۋگە ەلەۋلى ۇلەس قوسادى», دەپ اتاپ ءوتتى قازۇۋ رەكتورى.
و.ە.كۋتافين اتىنداعى ۋنيۆەرسيتەتتىڭ (مگيۋا) رەكتورى ۆيكتور بلاجەەۆ, قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى جونىندەگى كوميسسيانىڭ توراعاسى يگور روگوۆ ءسوز سويلەدى. يگور روگوۆتىڭ ايتۋىنشا, ەكونوميكالىق ينتەگراتسيا جاعدايىندا كورشى ەلدەردىڭ زاڭناماسى مەن پراكتيكاسى ەرەكشە قىزىعۋشىلىق تۋدىرادى. بۇل ەكونوميكالىق دامۋدى, بيزنەس يننوۆاتسيالاردى جانە ءوز ەلىندە بەيىمدەلۋگە, قولدانۋعا بولاتىن باسقا دا پايدالى اسپەكتىلەردى انىقتاۋعا كومەك بەرەدى. ءتۇرلى ەلدەردىڭ زاڭناماسىن زەردەلەۋ ىنتىماقتاستىققا جاڭا مۇمكىندىكتەر اشۋى مۇمكىن, سونىڭ ىشىندە بىرلەسكەن جوبالار, تاجىريبە مەن تەحنولوگيالار الماسۋ جانە ەكونوميكالىق قاتىناستاردى نىعايتۋعا جول اشادى.
پلەنارلىق وتىرىستان كەيىن فورۋم جۇمىسى توعىز پانەلدىك سەكتسيادا جالعاستى.
