فوتو: gov.kz
استانادا ەسىرتكىنى تاراتۋ, ساتۋ, ساتىپ الۋ, جاسىرىن جارنامالاۋدى جوياتىن ارنايى سايت ىسكە قوسىلدى. ول سايتقا ناشاقورلىققا قاتىستى كەز كەلگەن اقپاراتتى جىبەرىپ, حابارلاۋعا بولادى.
– ءبىز نازارباەۆ زياتكەرلىك مەكتەبى وقۋشىلارىنىڭ جوباسىن قولداپ, كومەكتەستىك. Digital-كارتادا ەلىمىز بويىنشا ناشاقورلىققا قارسى اقپاراتتار بار. كەز كەلگەن ادام ەسىرتكىنى تاراتۋ, جارنامالاۋ تۋرالى اقپاراتتى كورسە, «ەsbol.kz» سايتىنا كىرىپ نەمەسە Telegram بوت ارقىلى بىزگە جىبەرە الادى. بىزگە تۇسكەن اقپاراتتى قۇقىق قورعاۋ ورگاندارى وكىلدەرىمەن بىرگە انىقتايمىز. بۇل جەردە ەسىرتكىنى ساتۋشىلار, تاراتۋشىلار نەمەسە جارناما جاساۋشىلار عانا ەمەس, ونى ساتىپ الۋشىلار دا انىقتالادى. سونداي-اق قازىر ەسىرتكىنى QR-كود ارقىلى ءجيى جارنامالايتىن بولعان. ولاردى جويۋ بويىنشا دا كۇرەس بەلسەندى جۇرگىزىلىپ وتىر, – دەدى «Esbol» قورىنىڭ توراعاسى جاندوس اقتاەۆ.
ەسىرتكى تاراتۋ تۋرالى حابارلاعان ازاماتتاردىڭ جەكە باسىنا قاتىستى اقپاراتتاردىڭ قۇپيالىلىعى مىندەتتى تۇردە ساقتالادى. سوندىقتان قىلمىس تۋرالى اقپارات ايتقىسى كەلەتىندەر ەش الاڭداماسا دا بولادى. بۇل كارتا ەسىرتكىدەن ساقتاۋ ءۇشىن عانا ەمەس, ازاماتتىق بەلسەندىلىكتى ارتتىرۋعا دا باعىتتالعان. «جۇمىلا كوتەرگەن جۇك جەڭىل» دەمەكشى, حالىقتىڭ ءبارى بىرىكسە, قىلمىس تا ازايماق.
– ءبىزدىڭ قور 2014 جىلدان باستاپ جۇمىس ىستەپ كەلەدى, ال ناشاقورلىقتى ينتەرنەت ارقىلى تاراتۋ, ناسيحاتتاۋعا قارسى كۇرەستى 2021 جىلى قولعا الدى. ەندى وسى تسيفرلىق كارتا ارقىلى ماسەلەمەن جۇيەلى تۇردە كۇرەسپەكپىز. ەلىمىز بويىنشا ۆولونتەرلەر بار, ولار بىزگە تۇسكەن اقپاراتتى الدىن الا سارالايدى, – دەيدى ج.اقتاەۆ.
كارتا قازىر استانا قالاسىندا قاناتقاقتى رەجىمدە ىسكە قوسىلدى, ءساتتى جۇزەگە اسقان جاعدايدا بارلىق وڭىرگە ەنگىزىلمەك.
