ورتالىق ساياباقتى تازالاۋعا دوسكەي جانە پەتروۆكا ەلدى مەكەندەرىنىڭ جاستارى دا كەلدى. كۆەست قاتىسۋشىلارىنا ءتۇرلى جارىستار ۇيىمداستىرىلدى. ولار قوقىس قالدىقتارىن سۇرىپتاپ جارىستى. بەلسەندى قاتىسقاندارعا سىيلىقتار ۇلەستىرىلدى.
ء«ساۋىر ايىنىڭ باسىندا مەملەكەت باسشىسى «تازا قازاقستان» اكتسياسىنا باستاماشى بولىپ, ونى جەر-جەردەگى ەل-جۇرت كەڭىنەن قولدادى. ءبىز ءبىرىنشى كەزەكتە ءوز جەرىمىزگە, ءوز ۇيىمىزگە ۇقىپتى قاراۋىمىز كەرەك. بۇل اكتسيا سونى ۇيرەتەدى. كۆەستكە قاتىسۋشىلار ويىن ارقىلى ەكولوگياعا دەگەن قامقورلىقتى, تابيعاتقا دەگەن جاناشىرلىقتى وياتۋ كەرەكتىگىن ءتۇسىندى. قورشاعان ورتاعا ۇقىپتى قاراۋ ارقايسىمىزدىڭ جۇرەگىمىزدە بولۋى كەرەك. جانە ءبىزدىڭ باستى مىندەتىمىز – وسى ءۇردىستى ارمەن قاراي جاس ۇرپاققا جەتكىزۋ», دەيدى جاستار كوشباسشىسى جانبولات جاڭبىرباەۆ.
بۇقار جىراۋ اۋدانىندا «تازا قازاقستان» اكتسياسىنا 230 ۇجىم – بەس مىڭعا جۋىق ادام قاتىستى. 130 ارنايى تەحنيكا جۇمىلدىرىلدى. 10,5 مىڭ توننا قالدىق شىعارىلدى. 44 رۇقسات ەتىلمەگەن قوقىس پوليگون تازارتىلدى. ء«مولدىر بۇلاق» اپتالىعىندا 30-دان استام بۇلاق تازارتىلدى.
وسكەلەڭ ۇرپاقتىڭ تابيعاتقا دەگەن قامقورلىعىن ارتتىرۋ ءۇشىن مۇعالىمدەر, وقۋشىلار مەن اتا-انالار قۇستاردىڭ ۇياسىن جاسادى.
مۇنىمەن قوسا, ەلدى مەكەندەردى كوگالداندىرۋ باعىتىندا دا جۇمىستار جاندانىپ, جالعاسىن تاۋىپ جاتىر. وسى كوكتەمدە 5 300-دەن استام اعاش ەگىلدى. مىسالى, قاراقۇدىق اۋىلىندا جەرگىلىكتى كاسىپكەرلەر تۋعان ولكەسىنىڭ تابيعاتىن جاقسارتۋ ءۇشىن اكتسيا اياسىندا پيراميدالى جانە كۇمىس تەرەك, قىزىل شەتەن اعاشتارىنىڭ 400 كوشەتىن ەكتى. مىنە, تۋعان جەرگە, تابيعاتقا دەگەن تاعزىمنىڭ ۇلكەن ءبىر كورىنىسى.
ەكولوگيالىق اكتسيا ءالى دە جالعاسادى.
قاراعاندى وبلىسى
