فوتو: freepik.com
قۇزىرلى ورگان اتالعان بۇيرىق جوباسىن تالقىلاۋعا شىعاردى.
«سۇيىتىلعان مۇناي گازىنىڭ ءبىر تونناسى ءۇشىن شەكتى كوتەرمە باعا 45 158 تەڭگەنى قۇرايدى (بۇرىن – 40 320 تەڭگە). بۇل رەتتە شەكتى بولشەك ساۋدا باعاسى وڭىرگە بايلانىستى ليترىنە 5-تەن 8 تەڭگەگە دەيىن ازداپ وسەدى», دەلىنگەن مينيسترلىك حابارلاماسىندا.
ۆەدوموستۆو سۇيىتىلعان گاز باعاسىن كوتەرۋگە تۇرتكى بولعان ماسەلەلەردى اتادى.
بۇگىنگى تاڭدا سۇيىتىلعان مۇناي گازىنىڭ باعاسى ونى ءوندىرۋدىڭ وزىندىك قۇنىنان الدەقايدا تومەن. وسىلايشا سۇيىتىلعان مۇناي گازى (سمگ) ءوندىرىسىنىڭ وزىندىك قۇنى تونناسىنا 60 مىڭنان 70 مىڭ تەڭگەگە دەيىن وزگەرەدى. ال وڭدەۋشى زاۋىتتار ءۇشىن قولدانىستاعى شەكتى كوتەرمە باعا تونناسىنا 40 320 تەڭگەنى قۇرايدى. وسىلايشا وندىرىلگەن ءاربىر توننا گازدان زاۋىتتار 20-30 مىڭ تەڭگە كولەمىندە شىعىنعا ۇشىرايدى.
