اقش عالىمدارى كوپتەگەن ادامنىڭ قاتىسۋىمەن جۇرگىزىلگەن ۇزاقمەرزىمدى زەرتتەۋ ناتيجەلەرىنە سۇيەنە وتىرىپ, وسىنداي تۇجىرىمعا كەلگەن.
ون ەكى جىلعا سوزىلعان ءۇش جارىم مىڭ ادام قاتىسقان ەكسپەريمەنت كۇنىنە كەمىندە وتىز مينۋت كىتاپ وقيتىن ادامداردىڭ مەزگىلسىز ءولىم قاۋپىن جيىرما ءۇش پايىزعا تومەندەتەتىنىن كورسەتتى.
يەل ۋنيۆەرسيتەتى قىزمەتكەرلەرىنىڭ ايتۋىنشا, كەز كەلگەن كوركەم شىعارما ادامنىڭ ويىن اۋلاپ, ءبىر ساتكە ۋايىمنان ارىلتادى. ۇزاق ءومىر ءسۇرۋدىڭ سىرى دا وسىندا.
«ينفاركت پەن ينسۋلتتى تۋدىراتىن نەگىزگى فاكتور – ۋايىم. ال كۇيزەلىسپەن كۇرەسۋدىڭ ءتيىمدى جولى – كىتاپ وقۋ. قىزىقتى حيكاياعا بىرنەشە مينۋت بەرىلىپ كەتۋدىڭ ءوزى جانىڭىزدى تىنىشتاندىرادى. زەرتتەۋدىڭ ناتيجەسى – ويعا قونىمدى بولجام», دەيدى عىلىمي جۇمىس اۆتورلارى.
سونىمەن, كىتاپ وقۋ, اسىرەسە ەگدە جاستاعى ادامدار ءۇشىن پايدالى. ولار وقىعان شىعارمالارىنىڭ ارقاسىندا ميىنىڭ قالىپتى كوگنيتيۆتى فۋنكتسيالارىن ءتيىمدى ساقتاي الادى. عالىمداردىڭ ايتۋىنشا وقيتىن ەگدە جاستاعى ادامدار, مىسالى, التسگەيمەر اۋرۋىمەن اۋىرمايدى.
