فوتو: kursiv.media
بۇل تۋرالى اقوردادا قازاقستان مەن وڭتۇستىك كورەيا پرەزيدەنتتەرىنىڭ كەلىسسوزدەرىنىڭ قورىتىندىسى بويىنشا ايتىلدى. قاسىم-جومارت توقاەۆ پەن يۋن سوك يول باق وكىلدەرىنە رەسمي مالىمدەمە جاسادى.
«ەلدە كورەيالىق ميكروقارجى ۇيىمى جۇمىس ىستەيدى, ونى ەكىنشى دەڭگەيلى بانك ەتۋ تۋرالى شەشىمدى قولدايمىن», دەدى قاسىم-جومارت توقاەۆ.
ايتا كەتەيىك, بۇگىن, 12 ماۋسىم كۇنى تاڭەرتەڭ اقوردادا قازاقستانعا مەملەكەتتىك ساپارمەن كەلگەن پرەزيدەنت يۋن سوك ءيولدى سالتاناتتى تۇردە قارسى الۋ ءراسىمى ءوتتى.
سالتاناتتى ءراسىم اياقتالعاننان كەيىن مەملەكەت باسشىلارى كەلىسسوزدەر زالىنا كىردى.
قاسىم-جومارت توقاەۆ يۋن سوك يولعا شاقىرتۋدى قابىل العانى ءۇشىن العىس ايتىپ, بۇل ساپاردى ەكىجاقتى ىنتىماقتاستىقتى تەرەڭدەتۋگە دەگەن شىنايى نيەتتىڭ كورىنىسى دەپ سانايتىنىن اتاپ ءوتتى.
