حيميا كلاستەرى

ەكولوگيا, حيميا, مەديتسينا, مۇناي-حي­ميا جانە ەنەرگيانى كوپ قاجەت ەتەتىن ماتە­ريالتانۋ سالالارىندا زەرتتەۋلەر جۇر­­گىزىپ, جاڭا شەشىمدەر ازىرلەۋدى ىسكە اسى­را­تىن كلاستەردە 9 عىلىمي زەرتحانا ورنا­لاسقان.

جاڭا زەرتحانانىڭ جۇ­مى­سىمەن حيميا جانە حيميا­­­لىق تەحنولوگيا فاكۋلتەتى­نىڭ دە­­كانى الينا گالەەۆا ­تا­نىستىردى.

ءىس-شارا بارىسىندا عىلىم جانە جوعارى ءبىلىم ءمي­نيسترى ساياسات نۇربەك مەملەكەت ­باس­شىسىنىڭ وتان­دىق عى­لىم مەن ءبىلىمدى دا­مى­تۋعا جانە يننوۆاتسيا­لىق تاسىلدەردى ەنگىزۋگە ايرىقشا ءمان بەرىپ وتىرعانىن اتاپ ءوتىپ, «قازۇۋ بازاسىندا اشىلىپ جاتقان زەرتحانالار ەلىمىزدىڭ حيميا سالاسىن دامىتىپ, حيميا ونەركاسىبى سالاسىندا­عى جۇمىستاردى تەرەڭدەتۋگە ىقپال ەتەتىن بولادى», دەدى.

ۋنيۆەرسيتەتتىڭ باسقار­ما توراعاسى-رەكتور جانسە­يىت تۇيمەباەۆتىڭ ايتۋىنشا, زەرتحانالار سونداي-اق مەديتسينا جانە بيولوگيا سالاسىنداعى كوپتەگەن زەرت­تەۋ جاسا­لىپ, تىڭ جاڭا­لىق­تاردىڭ باستاماسىنا اينالادى.

زەرتحانالار كلاستەرىنىڭ بولاشاق جوسپارلارى, زاماناۋي مۇمكىندىكتەرىمەن گار­ۆارد ۋنيۆەرسيتەتىنىڭ پروفەسسورى, زەرت­تەۋشى-عالىم مارك ەلليوت جانە وقۋ ورنى­نىڭ عالىمدارى, جاس زەرتتەۋشى­لەر تانىستى.

عىلىمي زەرتحانالار مەتالل جانە اعاش كون­سترۋك­تسيالارعا ارنالعان وتقا ءتو­­زىمدى جابىندىلار جا­ساۋ­­­عا, ارنايى قاسيەتكە يە بەي­­­­ورگانيكالىق ماتەريال­دار­دىڭ جاڭا تۇر­لەرىن زەرتتەۋگە, زاتتار مەن ماتەريالداردى تسيفرلىق جانە ساپالىق تالداۋ بويىنشا قىزمەت­تەر­دى ىسكە اسىرۋعا مۇمكىندىك بە­رە­­­دى. زەرتتەۋشىلەر سونىمەن قا­­تار قورشاعان ورتا­نى لاس­تا­نۋ­­دان قورعاۋعا ىقپال ەتە­تىن, ­حي­ميا­لىق توك كوز­دە­رى­نە ارنال­عان جاڭا ما­تە­ريال­داردى ازىرلەۋ, مۇ­ناي-حيمياسى سالاسىندا تەرەڭ­دەتىل­گەن زەرت­تەۋلەر جۇرگىزۋ, وتان­دىق مەديتسينالىق-بيو­لوگيا­لىق قۇرالدار مەن باك­تەريا­عا قارسى ماتەريالدار الۋدىڭ وڭتايلى ادىستەرىن ازىرلەيتىن بولادى.

كلاستەردە عالىمداردىڭ جۇمىس ىستەۋىنە تولىق­قاندى جاعداي جاسالىپ, سوڭعى ۇلگى­دەگى قۇرىلعىلار جانە اپپاراتتارمەن جاب­دىقتالعان. مۇندا گرانتتىق جانە باع­دار­لامالىق-نىسانالى قار­جىلاندىرۋ جوبا­لارى مەن دەمەۋشىلىك سۋبسيديالاردى ىسكە اسىرۋ شەڭبەرىندە سا­تىپ الىنعان جاڭا قۇ­رىل­­عىلاردىڭ قۇنى 1 ملرد تەڭگەنى قۇرايدى.

بۇگىندە ۋنيۆەرسيتەتتە حيميا-تەحنولوگيالىق بە­يىندەگى 3 عىلىمي زەرتتەۋ ينستيتۋتى جۇمىس ىستەيدى. حي­ميالىق عىلىمي كلاس­تە­رىنە اناليتيكالىق حيميا جانە قورشاعان ورتا, ەلەك­تر-­­حيميالىق ءوندىرىس تەحنو­لوگياسى, مۇناي-حيميا, حي­ميا-مەديتسينالىق, جۇ­قا ورگانيكالىق سينتەز, ەنەر­­گيانى كوپ قاجەت ەتە­تىن نا­نوماتەريالدار, پەرس­پەك­تيۆالىق ماتەريالدار مەن تەحنو­لوگيالار, جوعارى دال­دىكتەگى ماتەريالداردى دياگنوستيكالاۋ زەرتحا­نالارى مەن «Chemical Coatings Innovations» عى­لى­مي-وندىرىستىك ورتالىعى كىرەدى. مۇنىمەن قوسا Alem­Trade كومپانياسىنىڭ دە­­مەۋ­شىلىگىمەن اشىلعان جو­عا­رى دالدىكتەگى ماتەريالداردى زەرتتەۋ زەرتحاناسى­نىڭ دا مۇمكىندىگىن اتاپ كەتكەن ءجون.

الماتى