فوتو: inbusiness.kz
اتىراۋ وبلىستىق ادىلەت دەپارتامەنتى سوت ورىنداۋشىلارىنىڭ قىزمەتىن رەتتەۋ جانە باقىلاۋ ءبولىمىنىڭ باسشىسى اقبوبەك دۇسىپقاليەۆانىڭ ايتۋىنشا, اليمەنت تولەۋدەن جالتاراتىن, ءتىپتى مۇلدەم تولەمەگەن بورىشكەرلەر از ەمەس. سونداي بورىشكەرلەردەن بەرەشەكتى ءوندىرىپ الۋ ماقساتىندا ءتيىستى جۇمىس قولعا الىنعان. ناتيجەسىندە, بورىشكەرلەردەن بيىل 5 ايدا 43 ملن 375 مىڭ تەڭگە بەرەشەك ءوندىرىلىپتى.
«ماسەلەن, وتكەن جىلدان قالعان اليمەنت وندىرۋگە قاتىستى 9 564 قۇجات بار. بۇعان بيىل 1 186 اتقارۋ قۇجاتى قوسىلىپ وتىر. بۇل قۇجاتتىڭ ءبارى سوت ورىنداۋشىلارىنا جىبەرىلدى. وسى كەزگە دەيىن 983 قۇجاتتى ورىنداۋ جۇمىسى اياقتالدى», دەيدى ا.دۇسىپقاليەۆا.
ونىڭ ايتۋىنا قاراعاندا, قازىر جەكە جانە مەملەكەتتىك سوت ورىنداۋشىلارىنىڭ وندىرىسىندە 9637 قۇجات بار. بۇل قۇجاتتىڭ ءبارى اليمەنت وندىرۋگە قاتىستى.
«بالالارى ءۇشىن اليمەنت تولەمەگەن 48 انا بورىشكەرلەر تىزىمىندە تۇر. ونىڭ ىشىندە انالىق قۇقىنان ايىرىلعان, ۇرپاعىن بالالار ۇيىنە قالدىرعان 21 ايەل بار. ال 27 ايەل بالالارىن كۇيەۋىنىڭ تاربيەسىنە تاستاپ كەتكەن. سول سەبەپتەن قازىر وبلىستا جالعىزباستى 27 اكە بالالارىن تاربيەلەپ وتىر», دەپ ءمالىم ەتتى ا.دۇسىپقاليەۆا.
اتىراۋ وبلىسى
