ەكى كۇنگە سوزىلعان سەميناردا يننوۆاتسيالىق وقۋ باعدارلامالارىن ازىرلەۋ مەن ساراپتاۋ ماسەلەلەرى, ERG-مەن ءبىلىم الۋ: triple helix model – جۇمىس بەرۋشىلەر مەن ءبىلىم مەكەمەلەرىنىڭ ءوزارا بايلانىسىنىڭ جاڭا فورماتتارى, سونىمەن قاتار ءبىلىم باعدارلامالارىن ازىرلەۋدە پراكتيكالىق سەسسيالار مەن پاندەر سيپاتتامالارى قاراستىرىلدى.
ء«بىز ءداستۇرلى ماماندىقتار تەحنولوگيا, تسيفرلىق ساۋاتتىلىق پەن كرەاتيۆتىلىكتى تالاپ ەتەتىن جاڭا ماماندىقتارمەن الماسقان كەزەڭنىڭ تابالدىرىعىن اتتاعالى تۇرمىز. بۇل ءۇردىس ماماندىقتىڭ ماڭىزىن وزگەرتىپ قانا قويماي, ءبىلىم بەرۋ ادىستەرىن وزگەرتۋدى دە تالاپ ەتەدى. جاساندى ينتەللەكت پەن روبوتتاندىرۋ ءداستۇرلى ۇردىستەردى ورىنداۋ جولىن وزگەرتىپ, ءرولى مەن قىزمەتىن قايتا قاراۋعا تۇرتكى بولادى. شابلوندى ەمەس ادىستەر مەن تاسىلدەردى پايدالانۋ, كوماندادا كونسترۋكتيۆتى ارەكەت ەتۋ داعدىلارى مەن ۇقىپتى ءوندىرىس قاعيداتتارىن جۇزەگە اسىرۋ ارقىلى ماسەلەلەردى انىقتاپ, شەشۋ نەگىزگى قۇزىرەتتىلىكتەرگە اينالدى», دەيدى س.تورايعىروۆ ۋنيۆەرسيتەتىنىڭ رەكتورى ەركىن سادىقوۆ.
سەمينارعا ەلىمىزدەگى جوعارى وقۋ ورىندارىنىڭ پرورەكتورلارى, وقۋ-ادىستەمەلىك باسقارمالاردىڭ باسشىلارى, وقۋ حاتشىلارى مەن وقۋ-ادىستەمەلىك باسقارمالارىنىڭ مۇشەلەرى, ءبىلىم باعدارلاماسىنىڭ ازىرلەۋشىلەرى قاتىستى.
سونداي-اق ترەنينگ اياسىندا جوعارى ءبىلىم ۇلتتىق ورتالىعى, ەڭبەك جانە حالىقتى الەۋمەتتىك قورعاۋ ەڭبەك مينيسترلىگىنىڭ ورتالىعى, «Samsung Electronics» كومپانياسى, «MATRIZ» قاۋىمداستىعى, ERG توپتارى, «IncomCompany» جشس وكىلدەرى ءسوز الىپ, ءتۇرلى سالاداعى ۇدەرىستەر تۋرالى ايتىپ, تاجىريبەلەرىمەن ءبولىستى. جاڭا ماماندىقتاردى يگەرۋگە كومەكتەسەتىن تابىستى يننوۆاتسيالىق ءبىلىم باعدارلاماسى بويىنشا مىسالدار تانىستىردى.
ايتا كەتەيىك, س.تورايعىروۆ ۋنيۆەرسيتەتى جاڭا ماماندىقتار اتلاسى باعدارلاماسىن جۇزەگە اسىرادى. جوعارى وقۋ ورنىندا ەڭبەك نارىعىندا سۇرانىسقا يە 12 يننوۆاتسيالىق ءبىلىم باعدارلاماسى ازىرلەنگەن. 2022 جىلى, س.تورايعىروۆ ۋنيۆەرسيتەتى ەلىمىزدەگى العاشقى ەكى يننوۆاتسيالىق ءبىلىم باعدارلاماسىن ىسكە قوسقان ءبىرىنشى جوعارى وقۋ ورنى اتاندى.
