وبلىستىق ءبىلىم باسقارماسى باسشىسىنىڭ ورىنباسارى نۇرگۇل بەرتىلەۋوۆانىڭ ايتۋىنشا, وڭىردەگى مەملەكەتتىك «كۇنشۋاق» جانە ء«اليا» لاگەرلەرىندە از قامتىلعان, كوپبالالى وتباسىلار مەن سۋ تاسقىنىنان زارداپ شەككەن تۇرعىنداردىڭ بالالارى ءۇشىن تەگىن جولداما ءبولىندى. ماسەلەن, جاز بويى «كۇنشۋاق» لاگەرى 606 بالانى قابىلداۋعا دايار. بۇل جەردە دەنساۋلىعىندا كىناراتى بار بالالاردىڭ تىنىعۋىنا ەرەكشە جاعداي جاسالعان. اسىرەسە سال اۋرۋىنا شالدىققان بالالار «كۇنشۋاققا» كەلۋگە قۇشتار. ويتكەنى مۇندا ەرەكشە قاجەتتىلىگى بار بالالاردى اتپەن سەرۋەندەتەدى. وعان قوسا لاگەر اۋلاسىنداعى گۇلدەردى, باقشاداعى كوكونىستەردى بالالار وزدەرى كۇتىپ باپتايدى. ماۋسىمنىڭ باسىندا قوبدا اۋدانىنىڭ ەگىندىبۇلاق ەلدى مەكەنىنىڭ جانىنداعى ء«اليا» لاگەرى ەسىگىن اشتى. ازىرشە وسى جاڭا دەمالىس ورنىنا ءتورت ماۋسىمعا 288 وقۋشى قابىلدانادى. ەگىندىبۇلاقتاعى لاگەر كەستەسى سپورتتىق, پاتريوتتىق جانە شىعارماشىلىق باعىتتارعا بولىنگەن. وڭىردە بالالاردى ساۋىقتىراتىن ورتالىقتاردىڭ تاپشىلىعى تۋرالى كوپتەن بەرى ماسەلە كوتەرىلىپ ءجۇر. سول ولقىلىقتىڭ ورنىن ء«اليا» لاگەرى تولتىرماقشى. بۇل اۋەلگىدە مۇگەدەكتىگى بار ەرەسەك ادامداردى تابيعات اراسىندا ساۋىقتىراتىن ورتالىق رەتىندە سالىنا باستاپ, اعاشتان قيىپ سالىنعان بىرنەشە ءۇي مەن اسحاناسى بوي كوتەرىپ, اۋلاسى قورشالدى. الايدا اۋىلدان الىس, ينفراقۇرىلىمى جوق جەردە سالىنعاندىقتان, ناۋقاستاردىڭ تۇرۋىنا قولايسىزدىق تۋدىردى. سودان كەيىن سپورتشىلاردىڭ قىس مەزگىلىندە وقۋ-جاتتىعۋ ورنىنا اينالدىرۋ تۋرالى ۇسىنىس ءتۇستى. بىراق نە گاز, نە اۋىزسۋى تارتىلماعاندىقتان, قىس پەن كۇزگى ۋاقىتتا ادامداردى قابىلداۋعا مۇمكىندىك بولمادى. اقىرى قۇرىلىس وقۋشىلار لاگەرىنە اينالىپ, وبلىستىق سپورت باسقارماسىنان ءبىلىم باسقارماسىنىڭ مەنشىگىنە كوشىرىلىپ جاتىر.
ءۇش اي جازعى دەمالىس كەزىندە اقتوبە وبلىسىندا «شۇعىلا» (التى ماۋسىمعا 1 800 بالا), «اسەم» (التى ماۋسىمعا 1 800 بالا), «سampit» (7 ماۋسىمعا 2 100 بالا), «كوكجار-بايتەرەك» (3 ماۋسىمعا 270 وقۋشى), «مۇعالجار» (4 ماۋسىمعا 1 360 بالا) جەكەمەنشىك لاگەرلەرى جۇمىس ىستەيدى. ەلەك جانە قارعالى وزەندەرىنە تاياۋ, تابيعات اراسىندا ورنالاسقان وسى لاگەرلەرگە ساتىلاتىن جولداما 10-12 كۇنگە شامامەن 80-110 مىڭ تەڭگەنى قۇرايدى. لاگەر جولداماسىن اتا-انا جەكە قاراجاتىنا, نە وزدەرى جۇمىس ىستەيتىن ءوندىرىس ورىندارىنىڭ كاسىپوداق ۇيىمىنان جارتى باعاسىنا ساتىپ الادى. مۇنداي مۇمكىندىگى جوق اتا-انالارعا «قازاقستان حالقىنا» قورى كومەككە كەلىپ, بيىلعى جازدا ەلىمىزدەگى 1 147 اۋىل بالاسىن تەگىن دەمالىسپەن قامتۋدى جوسپارلاپ وتىر. «قازاقستان حالقىنا» قورىنىڭ جولداماسىنا كوپبالالى, تۇرمىستىق جاعدايى تومەن وتباسى بالالارىمەن بىرگە شىعارماشىلىق, زياتكەرلىك سايىستاردا ۇزدىك شىققان ورەندەر دە يە بولماقشى.
اقتوبە وبلىسى
