باياناۋىلدا جازعى ماۋسىم اشىلادى

باياناۋىل كۋرورتتىق ايماعىندا ءبىر دەمدە 5 مىڭ ادام دەمالا الاتىن 50-دەن اسا تۋريستىك نىسان بار. تاۋلى ولكەدە 13 نەگىزگى تۋريستىك مارشرۋت جانە 68 كورنەكى ورىن جۇمىس ىستەيدى. بىلتىر جاسىباي دەمالىس ايماعىنا شامامەن 120 مىڭ ادام كەلگەن.

پاۆلودار وبلىسى اكىمدىگىنىڭ اقپارىنشا, تۋريستىك سالانى دامىتۋ جونىندەگى 2028 جىلعا دەيىنگى وڭىرلىك باعدارلاماسى بەكىتىلدى. وندا 8,5 ملرد تەڭ­گەگە 17 ينۆەستيتسيالىق جوبانى جانە 12,3 ملرد تەڭگەگە 7 ين­فرا­­­قۇرىلىمدىق جوبانى ىسكە اسىرۋ ءىس-شارالارى كوزدەلگەن. باياناۋىلداعى تۋريستىك الەۋەتتى ودان ءارى دامىتۋ ءۇشىن پاۆلودار وبلىسىنىڭ اكىمدىگى مەن ERG اراسىنداعى ءوزارا ىنتىماقتاستىق تۋرالى مەموراندۋم شەڭبەرىندە 3 جوبانىڭ سمەتالىق قۇجات­تاماسى ازىرلەندى. ولار باياناۋىل كەن­تىندە ەكىنشى دۇنيەجۇزىلىك سوعىس باتىرلارىنا ارنالعان ستەللا بويىنداعى جاياۋ-سەرۋەن­دەۋ ايماعىن قايتا جاڭارتۋ, سابىندىكول كولىنىڭ جاعالاۋى مەن جاعاجايىن قايتا جاڭارتۋ, تۋريستەرگە ارنالعان مۋزەيى بار ورتالىق سالۋ. بۇعان قوسا اۋداندا دەنە شىنىقتىرۋ-ساۋىقتىرۋ ورتالىعىن اشۋ كوزدەلگەن. كەلە­شەكتە اۋدان ورتالىعىندا شاڭعى-روللەرلىك تراسسا, شيپاجاي سالۋ, حوستەلى بار ءىرى زاماناۋي جانار­ماي قۇيۋ ستانساسىن تۇرعىزۋ سياق­تى جوسپارلار دا بار.

تۋريستىك ماۋسىمنىڭ اشى­لۋىن­دا انيماتورلار, قولونەر­شىلەر شاقىرىلىپ, سپورتتىق جانە ما­دەني ءىس-شارالار بولادى. جاعا­جاي ۆولەيبولى, ارقان تارتۋ سياقتى جارىستار وتكىزىلىپ, ۇلت­تىق ويىندار ويناتىلادى. نەگىزگى باع­دارلامادان بولەك ءتورت ەكسكۋر­سيالىق باعىت بار, ساپسەر­فينگ بو­يىن­شا جاپپاي سۇڭگۋ, اۆتوبۋستىق ەكسكۋرسيا, جاياۋ ساياحات, دجيپ-تۋر. كەمپىرتاس, تو­رايعىر كولى, سايمانتاس, قوڭىر اۋليە, ەسكى وتكەل سياقتى جەرلەر كورسەتىلەدى.

پاۆلودار وبلىسى,

باياناۋىل اۋدانى