وسكەمەن. 16 قاڭتار. شىعىس قازاقستان ءوڭىرىنىڭ باسشىسى دانيال احمەتوۆ وبلىستىق دوستىق ۇيىندە قازاقستان حالقى اسسامبلەياسىنىڭ مۇشەلەرىمەن, ەتنومادەني بىرلەستىكتەردىڭ جەتەكشىلەرىمەن جانە قحا جانىنداعى عىلىمي-ساراپتامالىق توپ مۇشەلەرىمەن كەزدەستى. بۇل تۋرالى egemen.kz ءتىلشىسى حابارلادى.
كەزدەسۋ بارىسىندا وڭىردەگى قحا حاتشىلىعىنىڭ مەڭگەرۋشىسى ەركىنبەك ايازباەۆ 2014 جىلى جۇزەگە اسىرىلعان ىستەر جونىندە ەسەپ بەرىپ, اعىمداعى جىلى اتقارىلاتىن جۇمىس جوسپارىمەن ءبولىستى. حاتشىلىق مەڭگەرۋشىسىنىڭ ايتۋىنشا, وڭىردەگى قحا مۇشەلەرى مەن دوستىق ۇيلەرى وتكىزەتىن شارالاردىڭ سانى مەن ساپاسى جىل سايىن ارتىپ كەلەدى.
– شىعىس قازاقستان – وبلىستىق جانە رەسپۋبليكالىق دەڭگەيدە كەڭ قولداۋ تاپقان ەتنوسارالىق سالاداعى جاڭا يدەيالاردىڭ باستاماشىسى بولىپ وتىرعان ءوڭىر. «بەيبىتشىلىك پەن كەلىسىمنىڭ جول كارتاسى» مەگا-اكتسياسى بىزدە عانا ەمەس, بارلىق وبلىستاردىڭ قالالارى مەن اۋداندارىندا وتكىزىلىپ, ۇلكەن قولداۋعا يە بولدى. 2014 جىلى اكتسيا شەڭبەرىندە ەلىمىز بەن «التاي – ءبىزدىڭ ورتاق ءۇيىمىز» جوباسى اياسىندا رەسەي, قىتاي جانە موڭعوليا سياقتى جاقىن ورنالاسقان مەملەكەتتەردەگى 113 ەلدى مەكەندى قامتىعان 137 ءىس-شارا ءوتتى. بۇل شارالار 200 مىڭنان استام ادامدى قامتىدى, – دەدى ەركىنبەك ايازباەۆ.
بۇدان كەيىن قحا جانىنداعى عىلىمي-ساراپتامالىق توپتىڭ جەتەكشىسى ليۋتسيا ابدۋللينا, د.سەرىكباەۆ اتىنداعى شقمتۋ ساياساتتانۋ جانە فيلوسوفيا كافەدراسىنىڭ پروفەسسورى ليديا ستولياروۆا جانە بىرقاتار ەتنومادەني ورتالىقتاردىڭ جەتەكشىلەرى ءسوز الىپ, ەلىمىزدەگى تۇراقتىلىق پەن تاعاتتىلىقتى قالىپتاستىرۋدا ەلباسىنىڭ ساياساتىن جۇزەگە اسىرىپ جاتقان اسسامبلەيا ينستيتۋتىنىڭ ءرولى ەرەكشە ەكەنىن ايتتى.
– قازاقستاندا بارلىق ەتنوستاردىڭ ءداستۇرى مەن ءتىلىن, مادەنيەتىن دامىتۋعا قولايلى جاعداي جاسالعان. اسسامبلەيا قىزمەتىنىڭ ارقاسىندا مەملەكەتىمىزدىڭ ەتنوسارالىق ماسەلەلەردى ءتيىمدى شەشۋىنە مۇمكىندىك تۋدى. وسى ارقىلى ەلىمىزدىڭ حالىقارالىق قاۋىمداستىقتاعى ابىرويى كۇن ساناپ ءوسىپ كەلەدى. قىرعىزستانداعى, ۋكرايناداعى جاعدايلار ەلدىڭ الەۋمەتتىك-ەكونوميكالىق دامۋىنىڭ تۇراقتىلىعىنا نۇقسان كەلتىرگەنىن كورىپ وتىرمىز. قازىرگى كەزدە حالقىنىڭ سانى جاعىنان ءۇش ەسەگە از بولعانىمەن قازاقستاننىڭ جالپى ىشكى ءونىمى ۋكراينادان جوعارى بولىپ وتىر. مۇنىڭ بارلىعى مەملەكەتتەگى ەتنوسارالىق تۇراقتىلىقتىڭ ناتيجەسى, – دەدى ءوڭىر باسشىسى دانيال احمەتوۆ.
اسسامبلەيانىڭ العاشقى جيىنىندا قحا مۇشەسى ۆلاديمير اكۋلوۆ, «باشقۇل» اۋداندىق تاتار مادەني ورتالىعى» قوعامدىق بىرلەستىگىنىڭ توراعاسى رينات حاميتوۆ جانە بەسقاراعاي اۋداندىق ءماسليحاتىنىڭ دەپۋتاتى, قحا دەپۋتاتتىق توبىنىڭ مۇشەسى ۆياچەسلاۆ حارچەنكو «بىرلىك» التىن مەدالىمەن ماراپاتتالدى. سونىمەن بىرگە, بەلارۋس ەتنومادەني بىرلەستىگىنىڭ توراعاسى گالينا جامپەيىسوۆا مەن قحا عىلىمي-ساراپتامالىق توبىنىڭ مۇشەسى الەكسەي الەكسەەنكو قازاقستان حالقى اسسامبلەياسىنىڭ العىس حاتىنا يە بولدى.
دۋمان اناش.
دەرەك: egemen.kz.
سۋرەت: ەسىمحان ورىنباەۆ.
وسكەمەن. 16 قاڭتار. شىعىس قازاقستان ءوڭىرىنىڭ باسشىسى دانيال احمەتوۆ وبلىستىق دوستىق ۇيىندە قازاقستان حالقى اسسامبلەياسىنىڭ مۇشەلەرىمەن, ەتنومادەني بىرلەستىكتەردىڭ جەتەكشىلەرىمەن جانە قحا جانىنداعى عىلىمي-ساراپتامالىق توپ مۇشەلەرىمەن كەزدەستى. بۇل تۋرالى egemen.kz ءتىلشىسى حابارلادى.
كەزدەسۋ بارىسىندا وڭىردەگى قحا حاتشىلىعىنىڭ مەڭگەرۋشىسى ەركىنبەك ايازباەۆ 2014 جىلى جۇزەگە اسىرىلعان ىستەر جونىندە ەسەپ بەرىپ, اعىمداعى جىلى اتقارىلاتىن جۇمىس جوسپارىمەن ءبولىستى. حاتشىلىق مەڭگەرۋشىسىنىڭ ايتۋىنشا, وڭىردەگى قحا مۇشەلەرى مەن دوستىق ۇيلەرى وتكىزەتىن شارالاردىڭ سانى مەن ساپاسى جىل سايىن ارتىپ كەلەدى.
– شىعىس قازاقستان – وبلىستىق جانە رەسپۋبليكالىق دەڭگەيدە كەڭ قولداۋ تاپقان ەتنوسارالىق سالاداعى جاڭا يدەيالاردىڭ باستاماشىسى بولىپ وتىرعان ءوڭىر. «بەيبىتشىلىك پەن كەلىسىمنىڭ جول كارتاسى» مەگا-اكتسياسى بىزدە عانا ەمەس, بارلىق وبلىستاردىڭ قالالارى مەن اۋداندارىندا وتكىزىلىپ, ۇلكەن قولداۋعا يە بولدى. 2014 جىلى اكتسيا شەڭبەرىندە ەلىمىز بەن «التاي – ءبىزدىڭ ورتاق ءۇيىمىز» جوباسى اياسىندا رەسەي, قىتاي جانە موڭعوليا سياقتى جاقىن ورنالاسقان مەملەكەتتەردەگى 113 ەلدى مەكەندى قامتىعان 137 ءىس-شارا ءوتتى. بۇل شارالار 200 مىڭنان استام ادامدى قامتىدى, – دەدى ەركىنبەك ايازباەۆ.
بۇدان كەيىن قحا جانىنداعى عىلىمي-ساراپتامالىق توپتىڭ جەتەكشىسى ليۋتسيا ابدۋللينا, د.سەرىكباەۆ اتىنداعى شقمتۋ ساياساتتانۋ جانە فيلوسوفيا كافەدراسىنىڭ پروفەسسورى ليديا ستولياروۆا جانە بىرقاتار ەتنومادەني ورتالىقتاردىڭ جەتەكشىلەرى ءسوز الىپ, ەلىمىزدەگى تۇراقتىلىق پەن تاعاتتىلىقتى قالىپتاستىرۋدا ەلباسىنىڭ ساياساتىن جۇزەگە اسىرىپ جاتقان اسسامبلەيا ينستيتۋتىنىڭ ءرولى ەرەكشە ەكەنىن ايتتى.
– قازاقستاندا بارلىق ەتنوستاردىڭ ءداستۇرى مەن ءتىلىن, مادەنيەتىن دامىتۋعا قولايلى جاعداي جاسالعان. اسسامبلەيا قىزمەتىنىڭ ارقاسىندا مەملەكەتىمىزدىڭ ەتنوسارالىق ماسەلەلەردى ءتيىمدى شەشۋىنە مۇمكىندىك تۋدى. وسى ارقىلى ەلىمىزدىڭ حالىقارالىق قاۋىمداستىقتاعى ابىرويى كۇن ساناپ ءوسىپ كەلەدى. قىرعىزستانداعى, ۋكرايناداعى جاعدايلار ەلدىڭ الەۋمەتتىك-ەكونوميكالىق دامۋىنىڭ تۇراقتىلىعىنا نۇقسان كەلتىرگەنىن كورىپ وتىرمىز. قازىرگى كەزدە حالقىنىڭ سانى جاعىنان ءۇش ەسەگە از بولعانىمەن قازاقستاننىڭ جالپى ىشكى ءونىمى ۋكراينادان جوعارى بولىپ وتىر. مۇنىڭ بارلىعى مەملەكەتتەگى ەتنوسارالىق تۇراقتىلىقتىڭ ناتيجەسى, – دەدى ءوڭىر باسشىسى دانيال احمەتوۆ.
اسسامبلەيانىڭ العاشقى جيىنىندا قحا مۇشەسى ۆلاديمير اكۋلوۆ, «باشقۇل» اۋداندىق تاتار مادەني ورتالىعى» قوعامدىق بىرلەستىگىنىڭ توراعاسى رينات حاميتوۆ جانە بەسقاراعاي اۋداندىق ءماسليحاتىنىڭ دەپۋتاتى, قحا دەپۋتاتتىق توبىنىڭ مۇشەسى ۆياچەسلاۆ حارچەنكو «بىرلىك» التىن مەدالىمەن ماراپاتتالدى. سونىمەن بىرگە, بەلارۋس ەتنومادەني بىرلەستىگىنىڭ توراعاسى گالينا جامپەيىسوۆا مەن قحا عىلىمي-ساراپتامالىق توبىنىڭ مۇشەسى الەكسەي الەكسەەنكو قازاقستان حالقى اسسامبلەياسىنىڭ العىس حاتىنا يە بولدى.
دۋمان اناش.
دەرەك: egemen.kz.
سۋرەت: ەسىمحان ورىنباەۆ.
