زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانا بۇكىل ەل بويىنشا 16 مامانداندىرىلعان كىتاپحاناعا ادىستەمەلىك ورتالىق رەتىندە قىزمەت ەتەدى.
سوڭعى مالىمەتتەرگە سۇيەنسەك, رەسپۋبليكانىڭ ارنايى كىتاپحانالارىنىڭ جالپى قورى 1 010 076 كىتاپقا جەتكەن. كىتاپ قورى وتكەن جىلمەن سالىستىرعاندا 2,5% ءوسىپ وتىر.
ارنايى كىتاپحانالار – زاعيپ جاندار مەن ناشار كورەتىن وقىرماندار, ولاردىڭ وتباسى مۇشەلەرى بوس ۋاقىتىن ءتيىمدى وتكىزۋگە, رۋحاني دامۋعا, ءبىلىمىن ارتتىرۋعا جانە ينتەرنەت ارقىلى ءتۇرلى اقپارات الۋعا كومەكتەسەتىن بىرەگەي مادەني ورتالىق.
بۇل كىتاپحانالار ينتەللەكتۋالدىق جانە شىعارماشىلىق دامۋدىڭ باستاۋى رەتىندە كىتاپ وقۋدى ناسيحاتتاۋدا, قازاق جازۋشىلارىنىڭ ۇزدىك شىعارمالارىن دارىپتەۋدە, بالالار مەن جاسوسپىرىمدەر اراسىندا وقۋعا دەگەن قىزىعۋشىلىقتى ارتتىرۋدا ماڭىزدى ءرول اتقارادى.
