فوتو: ەۇۋ
Elsevier - الەمدەگى ەڭ ءىرى عىلىمي باسپالاردىڭ ءبىرى, ول دۇنيە جۇزىندەگى عىلىمي جۋرنالداردىڭ بارلىق ماقالالارىنىڭ تورتتەن ءبىرىن شىعارادى.
«Eurasian Journal of Physics and Functional Materials» جۋرنالى ەۋرازيا ۇلتتىق ۋنيۆەرسيتەتىندە 2017 جىلدان باستاپ اعىلشىن تىلىندە شىعارىلادى. عىلىمي باسىلىمنىڭ بارلىق ماقالالارى دا Scopus حالىقارالىق عىلىمي دەرەكتەر بازاسىنا ەنگىزىلگەن.
«Eurasian Journal of Physics and Functional Materials» جۋرنالى يادرولىق فيزيكا, جوعارى ەنەرگيا فيزيكاسى, بالامالى جانە سۋتەگى ەنەرگەتيكاسى, ت.ب. سالاداعى عىلىمي زەرتتەۋلەردىڭ ناتيجەلەرى تۋرالى ماتەريالداردى قامتيدى.
جۋرنالدىڭ حالىقارالىق رەداكتسيا القاسىنىڭ قۇرامىنا قازاقستان, رەسەي, اقش, فرانتسيا, جاپونيا, فينليانديا, شۆەتسيا, يتاليا, وزبەكستان, انگليا عالىمدارى, سونداي-اق CERN جانە بىرىككەن يادرولىق زەرتتەۋلەر ينستيتۋتى سياقتى الەمدىك دەڭگەيدەگى عىلىمي ۇيىمدار كىرەدى.
«Elsevier كومپانياسىنىڭ ءوزى جۋرنالدى بازاعا قوسۋ جانە ەلەكتروندىق نۇسقاسىن شىعارۋ تۋرالى بىزگە ۇسىنىسپەن شىقتى. Elsevier پلاتفورماسىندا «Eurasian Journal of Physics and Functional Materials» جۋرنالىنىڭ جاريالانۋى جۋرنالدىڭ عانا ەمەس, قازاقستاننىڭ بۇكىل عىلىمي قوعامداستىعىنىڭ دامۋى ءۇشىن جاڭا پەرسپەكتيۆالار اشادى. بۇل ل.ن.گۋميلەۆ اتىنداعى ەۇۋ-دا جانە قازاقستاندا جۇرگىزىلىپ جاتقان عىلىمي زەرتتەۋلەر ساپاسىنىڭ حالىقارالىق دەڭگەيىن مويىنداۋ», دەپ اتاپ ءوتتى جۋرنالدىڭ باس رەداكتورى, ەۇۋ «ەۋرازيالىق فيزيكا-ەنەرگەتيكالىق زەرتتەۋلەر جانە جوعارى تەحنولوگيالار ينستيتۋتى» عزي ديرەكتورى قايرات كۇتەربەكوۆ.
عىلىمي جۋرنال تۋرالى تولىعىراق اقپاراتتى جۋرنالدىڭ www.ephys.kz. سايتىنان الۋعا بولادى.
