فوتو: اقوردا ءباسپاسوز قىزمەتى
قاسىم-جومارت توقاەۆ ۇقشۇ-نىڭ جارعىلىق جۇمىسىندا ۇيىمعا مۇشە بارلىق مەملەكەت ءۇشىن اناعۇرلىم وزەكتى ءارى سۇرانىسقا يە باعىتتارعا نازار اۋدارۋ قاجەت ەكەنىن اتاپ ءوتتى. ونىڭ پىكىرىنشە, تەرروريزم, ەسىرتكى مەن قارۋدىڭ زاڭسىز اينالىمى, اقپاراتتىق سالاداعى قىلمىس سەكىلدى سىن-قاتەرلەرگە قارسى كۇرەس ماسەلەسىنە ايرىقشا ءمان بەرگەن ءجون.
سونىمەن قاتار پرەزيدەنت وڭىرلىك قاۋىپسىزدىكتى نىعايتۋ ماقساتىندا باسقا دا حالىقارالىق قۇرىلىمدارمەن كونسترۋكتيۆتى ىنتىماقتاستىقتى جولعا قويۋ ماڭىزدى ەكەنىن ايتتى.
يمانعالي تاسماعامبەتوۆ ۇقشۇ ۇجىمدىق قاۋىپسىزدىك كەڭەسىنىڭ بىلتىر قاراشا ايىندا وتكەن سەسسياسىندا قازاقستاننىڭ باستاماسىمەن قابىلدانعان ءىس-شارالار جوسپارىنىڭ ورىندالۋ بارىسى جونىندە مالىمەت بەردى.
سونىمەن قاتار كەزدەسۋدە ۇقشۇ ۇجىمدىق قاۋىپسىزدىك كەڭەسىنىڭ كەزەكتى سەسسياسىنا جانە ەلىمىزدىڭ اۋماعىندا وتەتىن وقۋ-جاتتىعۋ جيىندارىنا دايىندىق ماسەلەسى قاراستىرىلدى.
