فوتو: قر ءىىم ۇلتتىق ۇلانى “ورتالىق” وڭىرلىك قولباسشىلىعىنىڭ ءباسپاسوز قىزمەتى
وقيعا 4 ماۋسىم كۇنى ساعات 19:10 شاماسىندا بولدى. ۇلتتىق ۇلاننىڭ 6697 اسكەري ءبولىمى اسكەري پوليتسياسىنىڭ اعا انىقتاۋشىسى لەيتەنانت ءالىمجان رۇستەموۆ قىزمەتتەن ۇيىنە كەلە جاتىپ, قوبىلاندى باتىر كوشەسى بويىنداعى ءۇيدىڭ ماڭىنا جينالعان ادامداردى بايقاعان. جينالعان قاۋىمنىڭ نازارىن بەسىنشى قاباتتان سەكىرگەلى تۇرعان 13-14 جاسار قىز اۋدارتتى. ۇلاندىق وفيتسەر ۋاقىت جوعالتپاي, بىردەن قىزدىڭ پاتەرىنە قاراي جۇگىرىپ بارىپ, سەكىرۋدىڭ الدىن الۋ ماقساتىندا, قىزدى الداۋ ارەكەتى ارقىلى قۇتقارىپ قالدى.
«سەكىرۋگە بەكىنگەن قىز بالانىڭ پاتەرىن ناقتى بىلمەسەم دە, جوبامەن تاۋىپ الارمىن دەپ جىلدام جەتىپ باردىم. قاسىندا قارت اتاسى بار ەكەن. دەگەنمەن, قىزدىڭ ىسىنەن مۇلدەم سوزگە كەلىسپەۋشىلىك بارىن بايقاپ, الدارقاتا تۇرىپ, تاۋەكەلمەن ۇمتىلدىم», دەيدى لەيتەنانت رۇستەموۆ.
وقيعا ورنىنا دەرەۋ جەدەل-جاردەم شاقىرىلدى. قازىرگى ۋاقىتتا ءجاسوسپىرىم جاقىندارىنىڭ قاسىندا.
ءدال وسى كەشتە ساعات 20:10 كەزىندە جوعارىدا اتالعان اسكەري ءبولىمنىڭ مامانى كىشى سەرجانت ەرنار ايداربەك تە ءتارتىپ بۇزۋشىنى ۇستاۋعا سەپتىگىن تيگىزدى. ول قوستاناي قالاسى بويىنشا پوليتسيا دەپارتامەنتىندە جەدەل باسقارۋ ورتالىعىندا قىزمەت اتقارۋ بارىسىندا باقىلاۋ كامەرالارىنان اباي – گوگول كوشەلەرى قيىلىسىندا جاياۋ جۇرگىنشىنى كولىكپەن قاعىپ, وقيعا ورنىنان بوي تاسالاعان TAN ماركالى اۆتوكولىگىن بايقادى. نۇسقاۋلىق ەرەجەلەرىنە ساي, اسكەري قىزمەتشى وقيعانى بىردەن پوليتسياعا باياندادى. شۇعىل حابارلامانىڭ ارقاسىندا وقيعا ورنىنا جەدەل جەتكەن پوليتسەيلەر ءتارتىپ بۇزۋشىنى بىردەن قولعا تۇسىگەن.
اتالمىش وقيعا بويىنشا تەرگەۋ جۇمىستارى جۇرگىزىلىپ جاتىر.
قىرمىزى جۇماعاليقىزى,
ەۇۋ ستۋدەنتى
