كادر الەۋەتى قالاي باعالانىپ ءجۇر؟

وزگەرمەلى الەمدە كومپانيالار كادر ساياساتىمەن بايلانىستى بىرقاتار سىن-قاتەرگە دايىن بولۋى قاجەت. بۇل HR (ادام رەسۋرستارى) سالاسىنا كوشباسشىلار مەن مەنەدجەرلەر بۋىنىن دامىتۋعا, ءتيىمدى ۇيىمداستىرۋشىلىق مادەنيەت­تى قالىپتاستىرۋعا, قىزمەتكەرلەر­دىڭ جۇمىس ىستەۋى ءۇشىن اشىق جاعدايلاردى قامتاماسىز ەتۋگە, سونداي-اق HR تەحنو­لو­گيالاردىڭ وڭتايلى جيىنتىعىن تاڭ­داۋعا باعىت سىلتەيدى. تەحنولوگيا بيزنەس كورسەتكىشتەرى مەن قىزمەتكەرلەردىڭ بىلىكتىلىگىن ارتتىرۋ ءۇشىن جۇمىس ىستەيتىن سالاۋاتتى جۇمىس اتموسفەراسىن قالىپتاستىرۋعا ىقپال ەتەدى. بۇگىنگى تاڭدا HR كوشباسشىلارىنىڭ الدىندا تۇرعان قيىندىقتار ۇيىمنىڭ ناتيجەلەرىنە جانە ونىڭ برەندىنە كوپتەگەن جىلدار بويى جايسىز ءىز قالدىرۋى مۇمكىن.

بىلىكتى مامانداردى تابۋداعى قيىن­­­دىقتارمەن قاتار كوروناۆي­رۋس پان­­دەمياسىنىڭ سالدارى دا گيب­ريدتى جۇمىس فورماتى تاجىري­بەسىن كەڭەيتىپ, قىزمەتكەرلەردى باسقارۋدىڭ جاڭا ادىس­تەرىنە مويىن بۇرعىزدى. اقپا­راتتىق تەحنولوگيالار نارىعىنداعى امەريكا­لىق «Gartner» زەرتتەۋ جانە كونسالتينگ­تىك كومپانياسى جۇرگىزگەن ساۋالداماعا ساي­كەس بۇل ۇدەرىس باسشىلىق پەن قىزمەت­كەر­لەر اراسىندا سەنىمسىزدىكتىڭ كۇشەيۋى­نە اكەلگەن. مىسالى, باسشى قۇرام­دا­عى رەسپوندەنتتەردىڭ تەك 26 پايىزى عانا قىزمەتكەرلەر جۇمىس ورنىندا بولۋ تا­لاپتارىن تولىق ورىندايدى دەپ ساناي­دى. بۇل رەتتە ساۋالناماعا قاتىسقان قىز­مەتكەرلەردىڭ 50 پايىزى وزدەرىنە كوم­پانيا ىشىندە سەنىمسىزدىك ارتقانىن ايت­قان. وعان قوسا قازىرگى زامانعى HR شەشىمدەردىڭ ەڭبەك ونىمدىلىگىنە, قىز­مەتكەرلەردى ىنتالاندىرۋعا وڭ ىقپالى ءار كەز بايقالمايدى. نەگىزىنەن ادام­داردىڭ جۇمىس تيىمدىلىگىنىڭ ستاتيس­تي­كالىق كورسەتكىشتەرىن ەسەپتەۋگە باعىت­تالعان تەحنولوگيا نەگىزگى نازاردى مەنەد­جەر­لەردىڭ باعاسىنان وپەراتسيالىق تيىم­دىلىككە اۋىستىرعان. بىلىكتى كادر­لاردىڭ جەتىسپەۋشىلىگىنەن ورتاشا مە­نەد­جەردىڭ مىندەتى ءوزى باسقارا الاتىن كولەم­نەن 51 پايىزعا كوپ. زەرتتەۋلەر كور­سەتكەندەي, باسشىلاردىڭ 26 پايىزى كادر تاپشىلىعىن بيزنەستىڭ بولاشاعىن ناشارلاتاتىن باستى فاكتور دەپ سانايدى.

كادر باسقارۋ ىسىندەگى سىن-قاتەرلەر تۋرالى جۋىردا «SAP Discovery day Almaty» فورۋمىندا كەڭىرەك ايتىلدى. جيىن­دا 300-گە جۋىق وتاندىق جانە شە­تەلدىك جەتەكشى كومپانيالاردىڭ باسشى­لارى مەن ماماندارى تالانتتاردى باسقارۋ سالاسىنداعى بيزنەستىڭ الدىن­دا تۇرعان تالاپتار مەن مىندەتتەردى تال­قىلادى. «Axellect Kazakhstan» كوم­پا­نياسىنىڭ باسقارۋشى ديرەكتورى انتون مۋسين اتاپ وتكەندەي, بۇگىندە HR قىز­مەتىنە دەرەكتەرمەن جۇمىس, ساراپتاما, جاساندى ينتەللەكت (جي) سىندى تەح­نو­لوگيالاردىڭ بارلىعى قويىلعان. باس­تىسى, كومپانيا كوشباسشىلارى مەن مە­نەد­جەرلەرىن دامىتۋ ءۇشىن جۇمىس ىستەي­تىن وڭتايلى جيىنتىقتى تاڭداۋ قاجەت.

مامانداردىڭ ايتۋىنشا, بىر­قاتار پروبلەمانى تەحنولوگيالىق قۇرال­دار­دىڭ قولداۋىمەن HR كوشباسشىلارىنىڭ جاڭا جۇمىس باعىتتارى ەسەبىنەن شەشۋگە بولادى. سودان كەيىن مەنەدجەرلەر­دىڭ تيىمدىلىگىنە نەعۇرلىم يكەمدى جانە بەيرەسمي تاسىلدەردى قالىپتاستىرا وتىرىپ, وزگەرىستەردى ەۆوليۋتسيالىق جول­مەن ەنگىزۋ ارقىلى كومپانيانىڭ ۇيىم­دىق مادەنيەتىن, جۇمىس ورتاسىن قايتا قاراۋ باسىمدىققا اينالادى. سونىمەن قاتار قىزمەتكەرلەر كومپانيانىڭ ءوسۋ پەرسپەكتيۆالارىن ايقىنىراق كورۋى كەرەك. بۇل جەردە ءار دەڭگەيگە اۋىسۋدىڭ بۇ­لىڭعىر كريتەريلەرى بار ءداستۇرلى مانساپ كارتالارى ەندى بيزنەستىڭ تالابىن دا, قىزمەتكەردىڭ ءۇمىتىن دە قاناعاتتاندىرمايدى. جاعدايدان شىعۋ­دىڭ ءبىر جولى – گەيميفيكاتسيانى ەنگىزۋ. ونىڭ كومەگىمەن مانساپتىق ءوسۋدىڭ اشىق جۇيەسى قالىپتاسىپ, كومپانيادا كادرلاردى ساقتاپ قالۋعا مۇمكىندىك تۋادى. تۇتاستاي العاندا, زاماناۋي HR تەحنولوگيالارىن پايدالانۋ ۇزاق­مەرزىمدى پەرسپەكتيۆادا جۇمىس اتموسفەراسى مەن بيزنەس ناتيجەلەرىن ايتارلىقتاي جاقسارتا الادى. HR سا­لاسىنداعى تالاي ماسەلە «Success factors» دەربەس باسقارۋ جۇيەسىن قولدانۋ ار­قىلى شەشىمىن تابادى. بۇل – HR ۇدەرىسىن اۆتوماتتاندىرۋعا مۇمكىندىك بەرە­تىن الەمدەگى ەڭ وزىق مودۋلدىك بۇلت جۇيەسى. جۇيەدە ماماندى بەيىمدەۋدىڭ, كادر­لىق اكىمشىلەندىرۋدىڭ, وقىتۋدىڭ, مانساپتى دامىتۋدىڭ, سونداي-اق تيىم­دىلىكتى باسقارۋدىڭ ءارتۇرلى كەزەڭ­دە­رىنەن وتۋگە مۇمكىندىك بەرەتىن ۇلگىلەر توپ­تاستىرىلعان. ەڭ باستىسى, قىزمەتكەر مەن جۇمىس بەرۋشى اراسىنداعى كەدەر­گىلەر الىنىپ تاستالادى.

تيىمدىلىك كورسەتكىشتەرى بويىنشا ينتەگ­راتسيالانعان ساندىق دەرەكتەردى الۋعا مۇمكىندىك بەرەتىن تسيفرلىق الەمدە ءومىر سۇرە وتىرىپ, جاساندى ينتەللەكت تەحنولوگيالارىنىڭ بيزنەسكە ءوسىپ كەلە جاتقان اسەرىن دە ەلەۋسىز قالدىرۋعا بول­مايدى. زەرتتەۋلەر كورسەتكەندەي, كادر­لىق قىزمەت باسشىلارىنىڭ 76 پايىزى الداعى 12-24 ايدا گەنەراتيۆتى جاساندى ينتەللەكت ەنگىزبەسە, ۇيىمدىق جەتىستىك­تەرگە جەتۋ جونىنەن ارتتا قالاتىنىن جەتكىزگەن. بىراق قازىر نارىقتا جي بو­يىنشا كوپتەگەن نۇسقالار ۇسىنىلىپ جۇرگەنىن ەسكەرگەندە, بۇل تۇستا تۋىندايتىن سۇراق كوپ. مەنەدجەرلەردىڭ كوبى جاساندى ينتەللەكتتىڭ ارتىقشىلىقتا­رىن جۇمىستى وڭتايلاندىرۋ ءۇشىن پايدالانۋدى باستاۋعا دايىن بولسا دا, جي, ونىڭ گەنەراتيۆتى ءتۇرىنىڭ جۇمىس ورىندارىندا قالاي كومەكتەسەتىنىن ءبارى بىردەي تۇسىنبەيدى. ال نەگىزىندە جاساندى ينتەللەكت HR فۋنكتسياسىنىڭ سالالارىنا بۇرىننان ەنگەن. ماماندار كوپ سۇراققا جاۋاپتى سول مودۋلدىك بۇلتتان تابۋعا بولاتىنىن ايتادى. جي قاندايدا ءبىر باعا نەمەسە KPI بويىنشا بەكىتىلگەن مىندەتتى قۇرامداس بولىكتەر­گە توپتاستىرىپ, كەرى بايلانىس بەرۋگە قابىلەتتى. جاساندى ينتەللەكتىنىڭ كوپتە­گەن اسپەكتىلەرى قىزمەتكەردىڭ جۇمىس تاجىريبەسىن جاقسارتىپ, كۇندەلىكتى تاپ­سىر­مالاردى ورىنداۋدا ونىمدىلىكتى ارت­تىرۋعا كومەكتەسەدى.

كادر نارىعىنداعى ۇدەرىس كۇندەلىك­تى ونىمدىلىكتى جاقسارتۋ ءۇشىن جي-دىڭ بارلىق ءتۇرىن پايدالانۋ بيىل ۇيىم­داردىڭ نازارىندا بولاتىنىن كورسە­تە­دى. سونىمەن بىرگە كومپانيالار وزىنە قان­داي جي قاجەت ەكەنىن قايتا قاراۋعا, قىز­مەت­كەرلەردىڭ تەحنيكالىق داعدىلا­رى مەن جي قولدانۋ قابىلەتىن انىقتاۋعا ءتيىس بولادى. سايكەسىنشە, ونى پايدالانۋ­عا بايلانىستى قىزمەتكەرلەردىڭ تەحني­كا­لىق داعدىلارىن قايتا دايارلاۋ جانە بىلىك­تىلىگىن ارتتىرۋ قاجەتتىلىگى الدىڭ­عى ورىن­­عا شىعادى.