فوتو:uralskweek.kz
«الەۋمەتتىك كومەك پەن الەۋمەتتىك قامسىزداندىرۋعا جۇمسالاتىن شىعىندار كولەمى ازداپ وزگەردى. 2022 جىلمەن سالىستىرعاندا 7,4%-عا ارتىپ, 2023 جىلى 4,7 ترلن تەڭگەنى قۇرادى (2022 جىلى 4,3 ترلن تەڭگە)», دەلىنگەن حابارلامادا.
شىعىنداردىڭ وسى ءتۇرىنىڭ بارلىق دەرلىك سوماسى 2023 جىلى 99,4% – الەۋمەتتىك قامسىزداندىرۋعا (ازاماتتاردىڭ جەكەلەگەن ساناتتارىن الەۋمەتتىك قامسىزداندىرۋ جانە ولاردى تولەمدەردى قولداۋ, حالىقارالىق ۇيىمدارمەن بىرلەسىپ جۇزەگە اسىرىلاتىن جوبالاردى ىسكە اسىرۋدى قامتاماسىز ەتۋ), 0,6% – الەۋمەتتiك كومەك جانە الەۋمەتتiك قامسىزداندىرۋ سالاسىنداعى وزگە دە قىزمەتتەر (رەسپۋبليكالىق دەڭگەيدە حالىقتى الەۋمەتتiك قورعاۋ مەن كومەك كورسەتۋ, سونداي-اق الەۋمەتتiك قورعاۋ جۇيەسiن جانە ينفراقۇرىلىمىن دامىتۋ, ەڭبەك, جۇمىسپەن قامتۋ, الەۋمەتتiك قورعاۋ سالاسىنداعى مەملەكەتتiك ساياساتتى قالىپتاستىرۋ) جانە كوشى-قون, ەڭبەكتى قورعاۋ سالاسىنداعى قولدانبالى عىلىمي زەرتتەۋلەر, ءونىمدى جۇمىسپەن قامتۋدى دامىتۋ جانە ت.ب.) قۇرايدى.
«وتكەن جىلى جەرگىلىكتى بيۋدجەتتەردىڭ شىعىندار قۇرىلىمىندا الەۋمەتتىك كومەك پەن الەۋمەتتىك قامسىزداندىرۋعا شىعىستار 5%-دى قۇرادى (2022 جىلى 4,8%). ءابسوليۋتتى ماندە الەۋمەتتىك كومەك پەن الەۋمەتتىك قامسىزداندىرۋعا جۇمسالعان شىعىندار كولەمى 2022 جىلمەن سالىستىرعاندا 28,2%-عا ءوسىپ, 2023 جىلى 639 ملرد تەڭگەگە جەتتى (2022 جىلى 498,6 ملرد تەڭگە)», دەپ حابارلادى ينستيتۋت.
2023 جىلى الەۋمەتتىك كومەك پەن الەۋمەتتىك قامسىزداندىرۋعا جۇمسالعان شىعىستاردىڭ ەڭ كوپ ۇلەسى تۇركىستان وبلىسىنا – 11,4% (2022 جىلى 11,6%) جانە الماتى قالاسىنا – 9,0% (2022 جىلى 8,9%) تيەسىلى. ەڭ از ۇلەس ۇلىتاۋ وبلىسىندا – 1,0% (2022 جىلى 1,0%) بولدى.
قىرمىزى جۇماعاليقىزى,
ەۇۋ ستۋدەنتى
