فوتو: استانا اكىمدىگى
فورۋمعا پارلامەنت سەناتىنىڭ توراعاسى ماۋلەن اشىمباەۆ قاتىستى. ءوز سوزىندە سەنات توراعاسى كەيىنگى جىلداردا ەلىمىزدە كرەاتيۆتى يندۋستريا قارقىندى دامىپ كەلە جاتقانىن اتاپ ءوتتى. ەل پرەزيدەنتى قاسىم-جومارت توقاەۆتىڭ تاپسىرماسىمەن اتالعان سالانى دامىتۋ ءۇشىن ينستيتۋتسيونالدىق نەگىز قالىپتاستى.
مادەنيەت جانە اقپارات مينيسترلىگىندە ارنايى دەپارتامەنت قۇرىلدى.
سونداي-اق سەكتوردى ءارى قاراي جەتىلدىرۋگە جانە مەملەكەت تاراپىنان قولداۋعا ارنالعان ناقتى شارالار قابىلدانىپ جاتقانى ايتىلدى.
سونىمەن قاتار فورۋمعا قاتىسقان جاستار وزدەرىنىڭ تابىستى مەديا جوبالارىن ۇسىندى, تۋىندايتىن قيىندىقتاردى تالقىلادى جانە يندۋستريانىڭ دامۋ ۆەكتورىن بەلگىلەدى.
ءىس-شارا بارىسىندا قاتىسۋشىلار كرەاتيۆتى يندۋستريانى ءتيىمدى دامىتۋعا ءتيىستى جاعداي قاجەت ەكەنىن ايتىپ, ءوز ۇسىنىستارىن جەتكىزدى.
فورۋم قورىتىندىسى بويىنشا قاتىسۋشىلار اراسىندا مەموراندۋمعا قول قويىلدى, ونىڭ نەگىزگى يدەياسى - قوعامنىڭ وزەكتى تاقىرىپتارى بويىنشا قازاق ءتىلدى كونتەنت قۇرۋ.
سونداي-اق قاتىسۋشىلارمەن مەملەكەت باسشىسى باستاماشى بولعان قازاق تىلىندە كونتەنتتەر دايىنداۋ بارىسىن جانە وسى باعىتتاعى باسقا دا وزەكتى ماسەلەلەر تالقىلاندى. ءىس-شاراعا كرەاتيۆتى يندۋستريا جانە وتاندىق مەديا وكىلدەرى قاتىستى.
فورۋمدا كاسىپكەر, «Phenomenal Kids»جوباسىنىڭ نەگىزىن قالاۋشى, «QazaqSham» جوباسىنىڭ پروديۋسەرى ازات ابىكەن, تاريحشى, ارحەولوگ-ەكسپەريمەنتاتور نۇرقوجا ەرسايىن, پروديۋسەر ازامات دەمەگەن, «Balafunny» YouTube-ارناسىنىڭ نەگىزىن قالاۋشى التىناي ەسەنجانوۆا, ماڭعىستاۋ وبلىسىنداعى «Aktown» جوباسىنىڭ نەگىزىن قالاۋشى نۇرسۇلتان مىرزابەك, «QonzhyqApp» جوباسىنىڭ وكىلى اينۇر مالىبەكوۆا جانە باسقا قاتىسۋشىلار قاتىسىپ, ءسوز سويلەدى.
