كوميتەت توراعاسى اندرەي لۋكين قازاقستان ەىدۇ-داعى حالىقارالىق باستامالارعا بەلسەندى قاتىسىپ كەلە جاتقانىن ايتا كەلىپ, جاھاندىق كۇن ءتارتىبىنىڭ دامۋىنا ۇلەسىن قوسقانىن اتاپ ءوتتى. ەلىمىز ءوزارا ءىس-قيمىل جىلدارىندا ۇيىمنىڭ ازاماتتار ءومىرىنىڭ ساپاسىن جاقسارتۋعا جانە ەكونوميكالىق وركەندەۋگە باعىتتالعان جوعارى ستاندارتتارىن دايەكتى تۇردە ەنگىزۋگە جول اشتى.
ء«بىز قازاقستاندا بولىپ جاتقان جاڭارۋ ۇدەرىستەرىندە ەىدۇ-نىڭ جاردەمىن جوعارى باعالايمىز. ەلىمىز الەۋمەتتىك-ەكونوميكالىق دامۋدا جانە قۇقىقتىق, دەموكراتيالىق مەملەكەت قۇرۋدا ايتارلىقتاي جەتىستىكتەرگە قول جەتكىزدى. قازاقستان قازىرگى كەزەڭدە ءوزىنىڭ ساياسي جانە ەكونوميكالىق دامۋىنىڭ ماڭىزدى كەزەڭىندە تۇر. 2022 جىلدىڭ ناۋرىز ايىندا مەملەكەت باسشىسى ادىلەتتى قازاقستاندى قالىپتاستىرۋ جونىندەگى ساياسي جانە ەكونوميكالىق رەفورمالار باعدارلاماسىنا باستاماشى بولدى. بۇل رەفورمالار بيلىك تارماقتارى اراسىنداعى تەجەۋ مەن تەپە-تەڭدىك جۇيەسىن نىعايتۋعا, مەملەكەتتىك باسقارۋدىڭ ارا-جىگىن اجىراتۋعا, كوپپارتيالىق جۇيەنى دامىتۋعا جانە ساياسي باسەكەلەستىكتى كۇشەيتۋگە باعىتتالعان. پرەزيدەنتتىڭ باعدارلاماسى قازاقستاندا ساياسي دەموكراتيالىق جۇيەنى ورناتۋ جولىنداعى زور قادام بولدى», دەدى اندرەي لۋكين.
رولف شۆارتس ۇيىم كەيىنگى جىلدارى قازاقستاندا ەلەۋلى وڭ وزگەرىستەردى كورىپ وتىرعانىن اتاپ ءوتتى. ول ەىدۇ ستاندارتتارىن ەنگىزۋ جانە قازاقستاننىڭ حالىقارالىق باستامالارعا بەلسەندى قاتىسۋى ەكونوميكانىڭ وسۋىنە عانا ەمەس, ازاماتتاردىڭ ءومىر ءسۇرۋ جاعدايىن جاقسارتۋعا دا ىقپال ەتكەنىن جەتكىزدى. سونداي-اق ەلدەگى ساياسي جانە ەكونوميكالىق رەفورمالاردىڭ جالعاسۋى دەموكراتيانىڭ نىعايۋىنا جانە تۇراقتى دامۋدى قامتاماسىز ەتۋگە اكەلەتىنىنە سەنىم ءبىلدىردى.
تاراپتار كەزدەسۋ سوڭىندا ەكونوميكالىق تۇراقتىلىق پەن حالىقتىڭ الەۋمەتتىك ءال-اۋقاتىن كۇشەيتۋگە باعىتتالعان ەىدۇ باعدارلامالارى اياسىندا ودان ءارى ىنتىماقتاستىق پەن تاجىريبە الماسۋ مۇمكىندىكتەرىن تالقىلادى.
