فوتو: primeminister.kz
دالىرەك ايتقاندا, ەكىباستۇز جەو-نىڭ ءتورت (11-15) قازاندىق اگرەگاتىن (2,4 ملرد) كۇردەلى جوندەۋگە جانە سول جەردە تۇندىرىلعان سۋ ماگيسترالىن (988 ملن) سالۋ ءۇشىن پاۆلودار وبلىسىنىڭ بيۋدجەتىنە 3,4 ملرد تەڭگە سوماسىنداعى قاراجات اۋدارىلادى.
بۇل شارالار جىلۋ كوزىنىڭ ۇزدىكسىز جۇمىس ىستەۋىنە, توتەنشە جاعدايلار تۋىنداۋ قاۋپىن ازايتۋعا, تۇرعىنداردى تۇراقتى جىلۋمەن قامتاماسىز ەتۋگە مۇمكىندىك بەرىپ, ەكىباستۇز قالاسىنىڭ ءارى قاراي الەۋمەتتىك-ەكونوميكالىق دامۋىنا سەرپىن بەرەدى.
بۇگىندە ەكىباستۇز جەو – قالانى ورتالىقتاندىرىلعان جىلۋمەن قامتاماسىز ەتەتىن بىردەن-ءبىر نىسان. وتكەن جىلى ۇكىمەت رەزەرۆىندەگى قاراجات ەسەبىنەن 5 سۋ جىلىتۋ قازاندىعى مەن جىلۋ جەلىلەرىنە كۇردەلى جوندەۋ جۇمىستارى جۇرگىزىلىپ, جىلىتۋ ماۋسىمى ەش ىركىلىسسىز ءوتتى.
ولجاس بەكتەنوۆ بيىل ناۋرىز ايىندا پاۆلودار وبلىسىنا جۇمىس ساپارى بارىسىندا پاۆلودار, ەكىباستۇز جانە اقسۋ قالالارىنىڭ ينجەنەرلىك ينفراقۇرىلىمىن جاڭعىرتۋدى جالعاستىرۋ قاجەتتىگىن ايتقان ەدى.
اتاپ ايتقاندا, ەكىباستۇز جەو-دا كۇلدەن گيدراۆليكالىق تازارتۋعا ارنالعان تۇندىرىلعان سۋ بەرۋ جۇيەسى 1986 جىلى ورناتىلدى. ونىڭ قۇرامىنا كىرەتىن قۇبىرلار توزدى, بۇل تۇتىنۋشىلارعا جىلۋ بەرۋدى شەكتەۋى مۇمكىن. وسىعان بايلانىستى تۇندىرىلعان سۋدىڭ جاڭا ماگيسترالىن سالۋ باسىم مىندەتتەردىڭ ءبىرى بولىپ وتىر.
ەسكە سالا كەتەيىك, بۇعان دەيىن ۇكىمەت رەزەرۆىنەن كەنتاۋ, ريددەر جانە قىزىلوردا قالالارىنىڭ جىلۋ كوزدەرىن جاڭعىرتۋعا 16 ملرد تەڭگە, ريددەر جىلۋ جەلىلەرىن كۇردەلى جوندەۋگە 2,4 ملرد تەڭگەدەن استام جانە كوكشەتاۋ قازاندىقتارىن جوندەۋگە 816 ملن تەڭگە بولىنگەن ەدى.
جالپى, بيىل استانا, الماتى, شىمكەنت, اتىراۋ, وسكەمەن, قاراعاندى, اقتاۋ, تاراز, پەتروپاۆل, جەزقازعان, اقتوبە, ستەپنوگورسك, رۋدنىي, بالقاش جانە باسقا دا قالالاردا ەنەرگيا بلوكتارىن, قازاندىقتار مەن تۋربينالاردى جوندەۋ جوسپارلانىپ وتىر.
