فوتو: aqtobegazeti.kz
1 ماۋسىمنان باستاپ 30 قاراشا ارالىعىنا جوسپارلانعان جوبا بىرنەشە باعىت بويىنشا جۇزەگە اسىرىلادى. ەرەكشە, قىزىقتى باعىتتاردىڭ ءبىرى – «پاتريوت تاكسي». تاكسي قالا, اۋدان كوشەلەرىن ارالاپ, جولاۋشىلاردى دىتتەگەن جەرىنە تەگىن جەتكىزەدى. «پاتريوت تاكسيىنە» وتىرعان ءار جولاۋشى ءۇش كەزەڭنەن تۇراتىن ينتەللەكتۋالدىق ويىنعا قاتىسادى. تاكسي جۇرگىزۋشىسى قويعان سۇراقتارعا مۇدىرمەي جاۋاپ بەرگەن جولاۋشى ارنايى سىيلىقتارعا يە بولادى. سونداي-اق «بىلە ءجۇرىڭىز!» ايدارىندا تاكسي جولاۋشىلارىنا مەملەكەتتىك رامىزدەردىڭ ماعىناسى, تاۋەلسىز ەل بولىپ قالىپتاسۋىمىزعا ۇلەس قوسقان ۇلى تۇلعالاردىڭ ازاماتتىق ەڭبەكتەرى مەن قىزمەت جولى تۋرالى ماعۇلاماتتار ايتىلادى.
– جوبا وكىلدەرى قوعام, باق وكىلدەرى, ۇكىمەتتىك ەمەس ۇيىمدار, مەملەكەتتىك ورگاندار جانە جوبانى قولداۋشىلارمەن بىرلەسە قىزمەت اتقارۋدى كوزدەيدى. يگى باستاماعا الەۋمەتتىك جەلى قولدانۋشىلارى دا قولداۋ كورسەتە الادى, – دەيدى وسى باستامانى ۇيىمداستىرۋشىلاردىڭ ءبىرى رەجيسسەر ءاليا يساەۆا.
سونىمەن قاتار رامىزدەر كۇنى اقتاۋ قالاسىنىڭ كوشەلەرىندە مەملەكەتتىك ستانداندارتقا سايكەس 60 مەملەكەتتىك تۋ ورنالاستىرىلىپ, مەملەكەتتىك رامىزدەردى ناسيحاتتاۋعا باعىتتالعان 2 قوعامدىق اۆتوبۋس برەندتەلدى. وسى ايشىقتى كۇننىڭ مارتەبەسىن كوتەرۋگە ارنالعان 1 500 ادامنىڭ قاتىسۋىمەن اشىق اسپان استىنداعى قوعامدىق-تاريحي ءىس-شارا ۇيىمداستىرىلدى.
ماڭعىستاۋ وبلىسى
