فوتو: gov.kz
مەملەكەتتىك رامىزدەر – بۇل كەز كەلگەن مەملەكەتتىڭ ەگەمەندىگى مەن بىرتۇتاستىعىن بەينەلەيتى اتريبۋتتار. قازاقستان رەسپۋبليكاسىندا مەملەكەتتىك تۋ, مەملەكەتتىك ەلتاڭبا جانە مەملەكەتتىك گيمن مەملەكەتتىك رامىزدەر بولىپ سانالادى.
قازاقستان رەسپۋبليكاسىنىڭ مەملەكەتتىك تۋى – ورتاسىندا شۇعىلالى كۇن, ونىڭ استىندا قالىقتاپ ۇشقان قىران بەينەلەنگەن تىك بۇرىشتى كوگىلدىر ءتۇستى ماتا. تۋدىڭ سابىنىڭ تۇسىندا ۇلتتىق ورنەك تىك جولاق تۇرىندە ناقىشتالعان. كۇن, ونىڭ شۇعىلاسى, قىران جانە ۇلتتىق ورنەك بەينەسى التىن تۇستەس.
فوتو: ابزال قاليەۆ
قازاقستان رەسپۋبليكاسى مەملەكەتتىك تۋىنىڭ اۆتورى – قازاقستاننىڭ ەڭبەك سىڭىرگەن ونەر قايراتكەرى شاكەن نيازبەكوۆ.
قازاقستان رەسپۋبليكاسىنىڭ مەملەكەتتىك ەلتاڭباسى – دوڭگەلەك نىساندى جانە كوگىلدىر ءتۇس اياسىنداعى شاڭىراق تۇرىندە بەينەلەنگەن, شاڭىراقتى اينالا كۇن ساۋلەسىندەي تاراپ ۋىقتار شانشىلعان. شاڭىراقتىڭ وڭ جاعى مەن سول جاعىندا اڭىزدارداعى قاناتتى پىراقتار بەينەسى ورنالاستىرىلعان. جوعارعى بولىگىندە – بەس بۇرىشتى كولەمدى جۇلدىز, ال تومەنگى بولىگىندە «قازاقستان» دەگەن جازۋ بار. جۇلدىزدىڭ, شاڭىراقتىڭ, ۋىقتاردىڭ, اڭىزدارداعى قاناتتى پىراقتاردىڭ بەينەسى, سونداي-اق «قازاقستان» دەگەن جازۋ – التىن تۇستەس.
فوتو: baq.kz
مەملەكەتتىك ەلتاڭبانىڭ اۆتورلارى – بەلگىلى ساۋلەتشىلەر جانداربەك مالىبەكوۆ پەن شوت-امان ءۋاليحانوۆ.
بۇرىن «مەنىڭ قازاقستانىم» ءانى رەتىندە تانىمال بولعان ءانۇران پرەزيدەنت نۇرسۇلتان نازارباەۆتىڭ باستاماسى بويىنشا 2006 جىلى 6 قاڭتاردا ەلىمىزدىڭ پارلامەنتىندە بەكىتىلدى. ءبىرىنشى رەت ول 2006 جىلى 11 قاڭتاردا مەملەكەت باسشىسىنىڭ سالتاناتتى ۇلىقتاۋ راسىمىندە ورىندالدى.
مەملكەتتىك گيمنىڭ اۆتورى - ءشامشى قالداياقوۆ, ءسوزىن جازعاندار: جۇمەكەن ناجىمەدەنوۆ, نۇرسۇلتان نازارباەۆ.
