125 بالل يەگەرى استانادا

قازىرگى تاڭدا ەلىمىزدىڭ ءبىلىم سالاسىندا قاي جاعىنان بولسىن ايتارلىقتاي جەتىستىكتەر مەن ەرەكشەلىكتەرىمىز جەتەرلىك. سو­نىڭ ءبىرى – جالپى ورتا ءبىلىم بەرۋ جۇيەسىنە بىرىڭعاي ۇلتتىق تەس­تىلەۋ ءادىسىنىڭ ەنۋى. وسى جاعدايعا بايلانىستى, ءار جىلدىڭ تۇلەك­تەرى بەلسەندىلىك تانىتىپ, جوعارى وقۋ ورداسىنىڭ تابالدىرىعىن اتتاۋعا تالپىنادى. سەبەبى, ءومىر تالابى وسى, وقىعان – وزار, وقى­ماعان – توزار. بۇل تالاپ وقۋ­شىلار مەن اتا-انالار تاراپىنان جىلدىق وقۋ باعدارلاماسىن قايتالاۋ, قوسىمشا ساباق, ارنايى دايىندالعان ۇدەمەلى ساباقتار الۋ سياقتى سۇرانىس تۋدىرۋدا. مۇنداي سۇرانىستى قاناعات­تان­دىرۋ ماقساتىندا, ەلىمىزدە قازىر ءبىلىم بەرۋ ورتالىقتارى قۇلشىنا قىزمەت ىستەۋدە. سونىڭ ءبىرى, استانا قالاسىندا قىزمەت ەتىپ وتىرعان “استانا-دوستىق” ءبىلىم بەرۋ ورتالىعى. “اس­تانا-دوستىق” ءبىلىم بەرۋ ور­تالىعى قوعامداعى وسى سۇرانىستى قاناعاتتاندىرۋ ماقساتىندا 2003 جىلى قۇرىلىپ, سول ۋاقىتتان بەرى مەكتەپ ءبىتىرۋشى تۇلەكتەرگە قازاق ءتىلى, قازاقستان تاريحى, ورىس ءتىلى, ماتەماتيكا, اعىلشىن ءتىلى, جالپى تاريح, گەوگرافيا, حي­ميا, بيولوگيا, فيزيكا ءتارىزدى ءپا­ندەر بويىنشا ۇبت-گە دايىن­دىق كۋرسىن جۇرگىزەدى. ءبىلىم بەرۋ ورتالىعىندا دايىندىق مەملە­كەتتىك جانە ورىس تىلدەرىندە ءجۇر­گىزىلەدى. وسى دايىندىق كۋرسى قورىتىندىسىنىڭ جىلدان جىلعا جەمىسىن بەرىپ كەلە جاتقانى, مىنە, بيىل تاعى دا دالەلدەندى. ياعني, 4 ماۋسىمدا وتكەن ۇبت ناتيجەسىندە استانا قالاسى بويىنشا “استانا-دوستىق” ءبىلىم بەرۋ ورتالىعىندا قالاداعى مەكتەپتەردەن قاتىسقان 300 ءبىتىرۋشى تۇلەكتىڭ ىشىنەن سا­عىندىق عيزات سامات ۇلى 125 سۇ­راقتان 125 باللدى قانجىعاسىنا بايلاعان بولاتىن. ساعىندىق عي­زات سامات ۇلى قالاداعى №40 ءا.مارعۇلان مەكتەبىنىڭ ءبىتىرۋشى تۇلەگى, “التىن بەلگى” ۇمىتكەرى. ساعىندىق عيزات ءبىلىمىنىڭ جەمى­سىنە كوپتەگەن ۇستازدارىنا, ءبىلىم بەرۋ ورتالىعىنا, سونىمەن قاتار ماتەماتيكا ءپانىنىڭ مۇعالىمى باۋىرجان بازارباەۆقا ەرەكشە العىسىن بىلدىرەدى. جاس تۇلەكتىڭ ويى – جوعارى وقۋ ورىندارىنىڭ بىرىنە تەحنيكالىق ماماندىق بويىنشا قابىلدانىپ, ءبىلىمىن شىڭداپ ەلىمىزدىڭ تەحنيكالىق سالاسىنا زور ۇلەسىن قوسۋ. ال, “استانا-دوستىق” ءبىلىم بە­رۋ ورتالىعىنىڭ باسشىسى زافەر سۋسلۋ “دوستىق” ءبىلىم بەرۋ ورتا­لىعى, ءاربىر كەلگەن شاكىرتتىڭ تالابىن شىڭداپ, جول اشۋعا ۇلكەن ۇلەس قوسادى. مۇنداعى ءار بالا العان ءبىلىمىن قۋانىشپەن ال­ىپ, جەتىستىكپەن قايتارۋدا. وسى­نىڭ ناتيجەسى مىنە, عيزات اتتى تالاپكەردىڭ كورسەتكەن كورسەت­كى­شى جانە ۇستازداردىڭ ەرەكشە ىقى­لاسى, تالماي ەتكەن ەڭبەگىنىڭ ارقاسى دەپ بىلەمىن. مۇعالىم با­قىتى – شاكىرت قۇرمەتى دەمەكشى, بۇل ورتالىقتا ايانباي قىزمەت ءىس­تەپ, وسىنداي شاكىرتتەردى تاربيە­لەپ كەلە جاتقان ۇستازدىڭ دا ەڭ­بەگىن ايتپاي كەتۋگە بولماس. سە­بە­بى, ءار تاقىرىپتى وتكەننەن كەيىن ارناۋلى تاقىرىپتىق تەست (اتت), ايدىڭ سوڭىنداعى قورىتىندىلاۋ ءۇشىن پاندىك پقت ء(پاندى قايتالاۋ تەستى) تەست, بايقاۋ ارقىلى ءبىلىمدى شىڭداي شىنىقتىرۋعا, كۇنى-ءتۇنى ەڭبەك ەتۋدەمىز. وقىتۋشى­لارى­مىز­دىڭ ءبىلىم دەڭگەيى وتە جوعارى. ءبىز بالالارعا بىلىممەن قوسا سپورت جاعىنان دا كوڭىل بولەمىز. ۆولەي­بول, باسكەتبول سىندى سپورت ءتۇرى­مەن ۋاقىتتى قىزىقتى وتكىزۋگە ءبىر­دەي اتسالىسامىز. ورتالىقتا ءبىلىم الۋ قازىرگى تالاپقا ساي, مۇن­دا وقى­عان ءار تالاپكەردىڭ كوڭىلى ءوش­پەس, ۇمىتىلماس ۋاقىتپەن تەڭ”, – دەپ ويىن اشىق جەتكىزگەن ول قۋا­نىشىن جاسىرمادى. ارينە, جە­ڭىس وڭاي كەلمەيدى. وعان تەك سا­پالى ءبىلىم مەن ءبىلىمدى ۇستاز قاجەت. قازاقتىڭ تاعدىرى, كەلەشەكتە ەڭسەلى ەل بولۋى دا مەكتەبىنىڭ قان­داي نەگىزدە قۇرىلۋىنا بارىپ تىرەلەدى. مەكتەبىمىزدى, ءبىلىم ور­تالىقتارىمىزدى تازا, بەرىك ءھام ءوز جانىمىزعا, قازاق جانىنا ءۇي­لەسەتىن نەگىزدە قۇرا بىلسەك, كە­لە­شەگىمىز ءۇشىن تايىنباي-اق سەرت­تەسۋگە بولادى. وسىنداي ءبىلىم ور­دا­لارىنىڭ جەمىسى جاقسى جاعى­نان كورىنە بەرسە نۇر ۇستىنە نۇر بولارى ءسوزسىز! ءبىز, جاس تۇلەككە ءساتتى ساپار, جا­ڭا قادامىنا قۇت تىلەيمىز! ال, “استانا-دوستىق” ءبىلىم بەرۋ ور­تالىعىنان ء“بىلىمدى مىڭدى, ءبى­لەك­­تى ءبىردى جىعادى” دەگەندەي تا­لاي ۇزدىك شاكىرتتىڭ شىعاتىنىنا سەنىم ارتا وتىرىپ, حالىقتار ارا­سىندا بىرلىك پەن ىنتىماققا ءدا­نە­كەر بولۋدى كوزدەگەن بۇل ورتا­لىقتىڭ كەلە­شە­گى كەمەل دەپ بىلەمىز!