فوتو: قر مادەنيەت جانە اقپارات مينيسترلىگى
قازاقستاننىڭ بارلىق وڭىرىنەن 36 ادام ىرىكتەلىپ, فيناليست اتاندى. «بەينەلەۋ ونەرى», «پەرفومانس», «ۆيدەو ءتۇسىرۋ» «ساندىك-قولدانبالى ونەر», «مۋزىكا جانە پوەزيا», «ارت-پەرفومانس» نوميناتسيالارى بويىنشا التى جەڭىمپاز 1 ميلليون تەڭگەلىك سەرتيفيكات يەگەرى اتاندى.
ء«ىس-شارانىڭ نەگىزگى ماقساتى – ەكولوگيالىق قۇندىلىقتار قالىپتاستىرۋ, بالالاردى ەكولوگيالىق تۇرعىدان تاربيەلەۋ. «Aiala» ەكوفەستيۆالى مەملەكەت باسشىسىنىڭ تاپسىرماسى بويىنشا وتكىزىلدى. بۇگىن –بالالاردى قورعاۋ كۇنى. بۇل تاماشا ءىس-شارا ەكولوگيا سالاسىندا جۇمىس ىستەيتىن بارلىق ءىرى ۇكىمەتتىك ەمەس ۇيىمداردى جانە ولار كونكۋرسقا قاتىسقان شىعارماشىل بالالاردىڭ باسىن قوستى. اتالمىش باستاما ەندى جىل سايىن وتەدى دەپ ۇمىتتەنەمىز. بۇل – بالالارعا ەكولوگيالىق تاربيە بەرۋگە مۇمكىندىك بەرەتىن قادام», دەدى مادەنيەت جانە اقپارات ۆيتسە-ءمينيسترى ەۆگەني كوچەتوۆ.
ايتا كەتەيىك, قازاقستاندا العاش رەت كرەاتيۆتى يندۋستريا, بالالار مەن ەكولوگيا توعىساتىن وقيعا بولىپ وتىر.
ء«بىر اي بويى ءبىز قازاقستاننىڭ تۇكپىر-تۇكپىرىنەن شىعارماشىل دارىندى بالالار اراسىندا كونكۋرس وتكىزدىك. ەكولوگيا تاقىرىبى بويىنشا 250-دەن استام ءوتىنىم قارالدى. ءبىز جاستارعا شىعارماشىلىق ارقىلى قورشاعان ورتاعا قامقورلىق جاساپ, ءوز سەزىمدەرىن بىلدىرۋگە مۇمكىندىك بەرۋ وتە ماڭىزدى دەپ سانايمىز», دەدى ليما دياس.
فەستيۆال جەڭىمپازدارى 1 ميلليون تەڭگەلىك سەرتيفيكات يەلەندى. اتاپ ايتساق:
- نۇرىللاەۆ ايبولات, قىزىلوردا ق. («Órnekte»ساناتى)
- ناۋحانباەۆ نۇرجىگىت, قىزىلوردا وبلىسى («Árle» ساناتى)
- انەليا ساتىبالديەۆا, استانا ق. («Beinele» ساناتى)
- رەگينا زەمليحانوۆا, الماتى ق. («Qara» ساناتى)
- راحيمجانوۆا ايانا, اقتوبە وبلىسى («Sezin» ساناتى)
- لاتىپاەۆ ارمان, جەتىسۋ وبلىسى, جاركەنت قالاسى («Sezin» ساناتى)
«Aiala» ارت-ەكو فەستيۆالى 1-2 ماۋسىمدا بەيبىتشىلىك جانە كەلىسىم سارايىندا وتەدى. كەلۋشىلەر وتاندىق سۋرەتشىلەردىڭ قولىنان شىققان «5 ەلەمەنت» ينستاللياتسياسىمەن تانىسا الادى. اۋا, سۋ, وت, جەر ەلەمەنتتەرىن ءبىر شەڭبەرگە بىرىكتىرىلگەن. ورتاداعى اينادان جاسالعان جۇرەك ادامنىڭ وزىنە ءارى اينالاسىنداعىلارعا دەگەن سۇيىسپەنشىلىكتى بىلدىرەدى. تۋىندى تابيعات پەن ادامنىڭ تۇتاستىعى مەن ۇيلەسىمدىلىگىنىڭ سيمۆولىنداي. وسىلايشا, اۆتورلار كوپشىلىكتى تابيعاتتى ايالاۋعا شاقىرىپ, قازاقستاننىڭ ەكولوگيالىق پروبلەمالارىنا نازار اۋدارعىسى كەلدى.
فەستيۆال اياسىندا كيىز باسۋ, كەسكىندەمە, قارجىلىق ساۋاتتىلىق جانە ماكۋلاتۋرادان پاننو جاساۋ بويىنشا شەبەرلىك سىنىپتارى وتەدى.
