فوتو:قاراعاندى وبلىسى اكىمدىگى
تەمىرتاۋ قالاسىندا جەكە قاراجات ەسەبىنەن ازاماتتار ءۇشىن ماڭىزدى الەۋمەتتىك جوبالار جۇزەگە اسىرىلادى. تۇرعىندارعا جاياۋ قاشىقتىقتا مەديتسينالىق كومەك كورسەتۋ ءۇشىن ءۇشىنشى شاعىن اۋداندا جاڭا ەمحانا اشۋ جوسپارلاندى. ال التىنشى شاعىن اۋداندا زاماناۋي ۇلگىدەگى «وتباسىلىق دەمالىس جانە بالالاردى دامىتۋ ورتالىعى» سالىنادى.
كوزدەلگەن جوبالاردىڭ ءمان-جايى قاراعاندى وبلىسىنىڭ اكىمى ەرماعانبەت بولەكپاەۆقا تەمىرتاۋ قالاسىنا جۇمىس ساپارى بارىسىندا تانىستىرىلدى.
ەمحانانىڭ قۇرىلىسى بيىل اياقتالۋى ءتيىس. نىسان قالاداعى جۇمىس ىستەپ تۇرعان العاشقى مەديتسينالىق-سانيتارلىق كومەك ۇيىمدارىنىڭ جۇكتەمەسىن جەڭىلدەتىپ قانا قويماي, 80-نەن استام جۇمىس ورنىن اشۋعا مۇمكىندىك بەرەدى. جالپى تاجىريبەلىك دارىگەرلەر, پەدياترلار, تەراپەۆتەر, اكۋشەر-گينەكولوگتار, سونداي-اق ارنايى ماماندار قابىلداۋدى جۇرگىزەدى.
جاڭا ورتالىق جوباسىنىڭ باستاماشىلارىنىڭ ايتۋىنشا, نىساننىڭ تۇجىرىمداماسى وتباسىلىق دەمالىستىڭ زاماناۋي تەندەنتسيالارىنا سايكەس ازىرلەنگەن. ۇيىرمەلەر مەن سەكتسيالارداعى بالالاردىڭ دامۋى اتا-انالارمەن بىرلەسكەن ويىن ارقىلى جۇزەگە اسادى. وسى ماقساتتا ينتەراكتيۆتى اتتراكتسيونداردى سالۋ كوزدەلدى. عيماراتتىڭ ديزاينى فۋتۋريستىك, اشىق تۇستەرمەن ەرەكشەلەنەدى. ورتالىققا ايىنا 15 مىڭعا دەيىن ادام كەلە الادى. بۇل نىساننىڭ اشىلۋى 2025 جىلعا جوسپارلاندى.
قىرمىزى جۇماعاليقىزى,
ەۇۋ ستۋدەنتى
