حالىقارالىق بالالاردى قورعاۋ كۇنى قارساڭىندا ونەرپاز ءجاسوسپىرىمدى اڭگىمەگە تارتتىق.
عازيز اتىعاەۆتىڭ جاسى 10-دا, بيىل باۋىرجان مومىش ۇلى اتىنداعى ورتا مەكتەپتىڭ 5-سىنىبىن ءتامامدادى. ايتۋىنشا, تەاترداعى العاشقى ءرولىن نەبارى 6 جاسىندا, ء«بىر ءتۇپ الما اعاشىنداعى» ماقساتتىڭ كىشكەنە شاعىن سومداعان. كەيىن تەاتر ساحناسىندا قويىلعان «انا – جەر-انا», ء«ابىلمانسۇر-سابالاق-ابىلاي», «تاسجۇرەك», «ۇجدان», «كەربەز كەلىندەر» قويىلىمدارىندا بالالاردىڭ رولدەرىندە كوردىك.
«ۇيدە ءتورت بالانىڭ ءۇشىنشىسىمىن, جالعىز ۇلمىن. انام وسى تەاتردا ەڭبەك ەتەدى, كىشكەنە كەزىمنەن ونىمەن بىرگە جۇمىسىنا ءجيى كەلىپ, اكتەر اعاي-اپايلاردىڭ دايىندىقتارىن تاماشالاعاندى جاقسى كورەتىنمىن. بىردە ماعان ء«بىر ءتۇپ الما اعاشىنىڭ» قويۋشى رەجيسسەرى كىشكەنتاي ماقساتتىڭ ءرولىن ويناپ كورشى دەدى. ايتقاندارىن جاساپ ەدىم, اعايعا ۇناعان سياقتى. ءسويتىپ, ساحناعا شىعاردى. كەيىن باسقا دا رولدەردى وينادىم. دايىندىق بارىسىندا تالاي قىزىق بولىپ تۇرادى. جاقىندا ء«ىىى ريچارد» سپەكتاكلىندە يورك جانە كلارەنستى سومداپ, دايىندىق كەزىندە توسىن جاعداي بولدى. ءبىر اعايدىڭ ويىن بارىسىندا ۇستەل ۇستىندەگى ىدىستى لاقتىراتىن جەرى بار. سونى سەرمەپ قالعاندا كوزىمنىڭ الدىنان زۋ ەتىپ وتە شىقتى. مەنى بارلىعى ەركەلەتەدى, وسكەندە بىزدەن اسقان اكتەر بولاسىڭ دەپ ارقامنان قاعىپ جاتادى. ماعان ساحناعا شىعىپ, ءتۇرلى ءرولدى سومداعان ۇنايدى», دەپ تەاترداعى اسەرىمەن ءبولىستى جاس تالانت.
بىلتىر ج.ايماۋىتوۆ اتىنداعى وبلىستىق قازاق-مۋزىكا تەاترى ماسكەۋدە وتكەن حالىقارالىق فەستيۆالعا قاتىسقاندا عازيز ترۋپپامەن بىرگە ساپارلاپ, «ۇجدان» ءاپساناسىندا بالا ءرولىن سومدادى. ماسكەۋدە جۇسىپبەك ايماۋىتوۆ جەرلەنگەن زيراتقا بارعانىن, وندا جەرلەنگەن الاش ارىستارىنىڭ باسىنا گۇل شوعىن قويعانىن جەتكىزدى.
«كىشكەنتاي كەزىمدە «شاڭىراق» ورتالىعىندا ۇيىرمەگە قاتىسىپ, ەرتەگى كەيىپكەرلەرىن سومدايتىنمىن. ودان سوڭ اناممەن اقىلداسىپ, قۇرمانعازى اتىنداعى مۋزىكا مەكتەبىندە ۆيولونچەل سىنىبىنا وقۋعا ءتۇستىم. مەكتەپتەن تىس ۋاقىتتا سوندا بارامىن. ال وتكەن جىلى پاۆلودار قالاسىندا تۇسىرىلگەن «يگرا س نۋلەۆوي ستاۆكوي» فيلمىندە ەپيزودتا وينادىم», دەيدى ول. جۋىقتا پاۆلودارعا الماتىدان م.اۋەزوۆ تەاترى كەلگەندە تەاتر ترۋپپاسىندا بالا جەتپەي, مانسۇر وزگە بالالارمەن بىرگە بىرنەشە قويىلىمعا قاتىسىپتى. ادەتتە كينودان عانا كورەتىن جۇلدىزدارمەن ءبىر ساحنادا ويناپ, ولاردان ۇلكەن ساباق العانىن ايتادى.
عازيز بوس ۋاقىتىندا اڭسار, مانسۇر, مۇزافار, اقىلجان ەسىمدى دوستارىمەن دوپ تەۋىپ, فۋتبول ويناسا, دەمالىس كۇندەرى اكەسىمەن «ەرتىس» فۋتبول كلۋبىنىڭ ويىندارىن تاماشالايدى. تەاترداعى اكتەرلىك ونەرىن ءارى قاراي شىڭداپ, بولاشاقتا اكتەرلىك وقۋعا تۇسسەم دەگەن ۇلكەن ماقساتى دا بار. اڭگىمە سوڭىندا قازاق كينولارىن, سونىڭ ىشىندە تاريحي كارتينالاردى ءسۇيىپ كورەتىنىن ايتتى. وسكەندە سونداي تاريحي كينولارعا تۇسسەم, قازاقتىڭ بەلگىلى حان-باتىرلارىن سومداسام دەگەن اسقاق ارمانى دا بار.
پاۆلودار
