فوتو: tengriauto.kz
«اۆتوماگيسترالداردى پايدالانۋ ىسىنە باقىلاۋدى كۇشەيتۋ قاجەت. جول جابىندىسىن بۇزاتىن بىرنەشە توننالىق جۇك كولىكتەرىنە ايىپپۇل سالۋ كەرەك», دەدى مەملەكەت باسشىسى الماتىدا وتكەن عالىمدارمەن كەزدەسۋدە.
ونىڭ ايتۋىنشا, جوعارى ساپالى كولىك باعىتتارى كەز كەلگەن دامىعان ەلدىڭ اجىراماس ەرەكشەلىگى, ويتكەنى ولار تەك كاپيتالدى عانا ەمەس, ءبىلىمدى قاجەت ەتەتىن جوبالاردى دا ۇسىنادى.
«سوندىقتان جول سالاسىنداعى قازاقستاندىق كومپانيالار عىلىمي ءتاسىلدى قولدانۋعا جانە يننوۆاتسيالاردى ەنگىزۋگە جاڭا مۇمكىندىكتەردى تولىق پايدالانۋى قاجەت.
جالپى, بىلىمگە نەگىزدەلگەن ەكونوميكا قۇرۋ ءۇشىن عىلىمي مەكەمەلەر مەن بيزنەستىڭ ءوزارا تىعىز بايلانىسىن قامتاماسىز ەتۋ ماڭىزدى. بۇل جۇمىس بارىسىندا عىلىمي يدەيالاردى كوممەرتسيالىق تابىستى ونىمگە اينالدىراتىن يننوۆاتسيالىق كلاستەرلەر, تەحنوپاركتەر مەن بيزنەس-ينكۋباتورلار اشىلادى. مۇنداي قۇرىلىمدار ءتيىستى جوبالارعا يدەيادان باستاپ ونى نارىقتا جۇزەگە اسىرۋعا دەيىنگى بارلىق كەزەڭدە قولداۋ كورسەتۋى كەرەك», دەپ قوستى مەملەكەت باسشىسى.
قىرمىزى جۇماعاليقىزى,
ەۇۋ ستۋدەنتى
