فوتو: senate.parlam.kz
«بۇگىن – ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى.
حح عاسىردىڭ ءبىرىنشى جارتىسىندا حالقىمىز ءوز تاريحىنداعى اسا اۋىر وقيعالاردى باسىنان وتكەردى. ميلليونداعان ادام قۋعىن-سۇرگىن جانە اشارشىلىق جىلدارىنىڭ تاۋقىمەتىن تارتتى. سوندىقتان 31 مامىردى سول كەزەڭدەردى ەسكە الاتىن جانە تاريحتان تاعىلىم الاتىن كۇن رەتىندە اتاپ وتەمىز.
قازىرگى تاڭدا پرەزيدەنتىمىز قاسىم-جومارت كەمەل ۇلى توقاەۆتىڭ باستاماسىمەن وتكەندى زەردەلەۋ, وعان وبەكتيۆتى باعا بەرۋ, سونىڭ نەگىزىندە ۇلتىمىزدىڭ تاريحي ساناسىن جاڭعىرتۋ جولىندا اۋقىمدى جۇمىستار جۇرگىزىلىپ كەلەدى. سونىڭ اياسىندا قازاقستان تاريحىنىڭ كوپتومدىق اكادەميالىق جيناعى ازىرلەنىپ جاتىر», دەپ جازدى م.اشىمباەۆ
سەنات توراعاسىنىڭ ايتۋىنشا, بۇل جۇمىستار وتكەننىڭ اقيقاتىن جاقىن تانىپ, حالقى ءۇشىن قۇربان بولعان ارىستارىمىزدى ۇلىقتاۋعا جانە جازىقسىز زارداپ شەككەن ازاماتتاردى ۇمىتپاۋعا ىقپال ەتەدى.
«مۇنىڭ ءبارى, تۇپتەپ كەلگەندە, حالقىمىزدىڭ بىرلىگىن بەكەمدەي تۇسەتىن, بەيبىت كۇننىڭ قادىرىن ارتتىراتىن, وسكەلەڭ ۇرپاقتىڭ وتانشىلدىق رۋحىن شىڭدايتىن قادامدار ەكەنى ءسوزسىز. سوندىقتان تاريحىمىزدى تۇگەندەۋ ۇزدىكسىز جالعاسا بەرەدى.
جالپى, بۇل كۇننىڭ حالقىمىز ءۇشىن تاعىلىمى مول, باعاسى باسىم. سول سەبەپتى, ونى دارىپتەۋ, بابالار رۋحىنا تاعزىم ەتۋ – بارشامىزدىڭ ازاماتتىق پارىزىمىز. ەندى ەشقاشان مۇنداي ناۋبەتتەر بولماسىن! ەلىمىز امان, جۇرتىمىز تىنىش بولسىن! تاۋەلسىز قازاق ەلى ماڭگى جاساي بەرسىن!», دەپ جازدى م. اشىمباەۆ.
