فوتو: قازاقستان ۇلتتىق بانكى
سۇلەيمەنوۆ زاڭ بويىنشا ەتج مولشەرىن 85 مىڭنان از تولەۋگە بولمايتىنىن تىلگە تيەك ەتتى.
«ەتج - جاي عانا تولەنەتىن جالاقى ەمەس, بۇل بەلگىلى ءبىر ەكونوميكالىق كورسەتكىش. زاڭ بويىنشا, زياتكەرلىك, ءتىپتى فيزيكالىق ەڭبەگى ءۇشىن دە 85 مىڭ تەڭگەدەن از تولەۋگە بولمايدى. ادىلدىككە كەلەتىن بولساق, 85 مىڭ تەڭگە جەتكىلىكتى مە, جوق پا؟ ارينە, جەتىسپەيدى. قازاقستاندا ەتج ءوسىپ كەلەدى, ماسەلەن, التى جىل بۇرىن ول 28 500 تەڭگەنى قۇرادى, سودان كەيىن ول بىرتىندەپ 42 مىڭ, 60, 70, 85 مىڭعا دەيىن ءوستى», دەدى ت.سۇلەيمەنوۆ.
ونىڭ ايتۋىنشا, ەلدەگى ەڭ تومەنگى جالاقى ينفلياتسيادان الدەقايدا جىلدام ءوستى.
«ەڭ تومەنگى جالاقى مولشەرى ءوسىپ جاتىر, ول وسە بەرۋى كەرەك. بولاشاقتا بۇل كورسەتكىشتى ارتتىرۋىمىز كەرەك دەپ ەسەپتەيمىن. بىراق بۇل جەردە ەڭبەك ونىمدىلىگىنىڭ جالاقى وسكەن سايىن ءوسۋىن قامتاماسىز ەتۋ قاجەت, ايتپەسە باسەكەگە قابىلەتتىلىك جوعالادى. بۇل ءبىزدىڭ نارىعىمىز بەن ونىمدەرىمىزدىڭ باسەكەگە قابىلەتسىز ەكەنىن بىلدىرەدى. سوندىقتان بۇل ماكروەكونوميكالىق جانە ميكروەكونوميكالىق تۇرعىدان دا قاراستىرۋدى قاجەت ەتەتىن ماسەلە. دەسە دە مەن ەكونوميست رەتىندە ەڭ تومەنگى جالاقىنى كەزەڭ-كەزەڭمەن كوتەرۋدى قۇپتايمىن», دەپ قوستى قۇب باسشىسى.
قىرمىزى جۇماعاليقىزى,
ەۇۋ ستۋدەنتى
