سايىس كورنەكتى عالىم جانە عىلىمدى ۇيىمداستىرۋشى, ءوز زامانىنىڭ ەڭ ءىرى ويشىلى جانە تابيعاتتانۋشى قانىش يمانتاي ۇلى ساتباەۆتىڭ 125-جىلدىق مەرەيتويى اياسىندا وتكىزىلدى.
وليمپيادا ماتەماتيكالىق, جاراتىلىستانۋ-عىلىمي جانە باعدارلامالاۋ بويىنشا 3 باعىت جانە ماتەماتيكا, فيزيكا, بيولوگيا, حيميا, گەوگرافيا, ينفورماتيكا پاندەرىنەن پانارالىق كەشەندى بولىپ تابىلادى.
ءىس-شارا ماقساتى – وقۋشىلاردى جوعارى دەڭگەيدەگى وليمپيادالارعا دايىنداۋ جۇيەسىن جەتىلدىرۋ جانە جاراتىلىستانۋ-ماتەماتيكالىق باعىتتاعى پاندەر مەن باعدارلامالاۋ بويىنشا وليمپيادالىق رەزەرۆ قۇرۋ.
وليمپياداعا قازاقستاننىڭ 8 وبلىسىنان (اباي, اقتوبە, ماڭعىستاۋ, ۇلىتاۋ, پاۆلودار, قاراعاندى, جامبىل, شىعىس-قازاقستان), استانا, الماتى, قالالارىنان, نازارباەۆ زياتكەرلىك مەكتەپتەرى مەن پاۆلودار وبلىسى ءبىلىم بەرۋ مەكەمەلەرىنءىڭ 7-8 سىنىپتارىنان 95 وقۋشىسى قاتىستى.
وليمپيادا ەكى كۇن بويى 2 تۋردا وتكىزىلدى.
ءى تۋر – 3 باعىتتىڭ ءبىرىن تاڭداۋ بويىنشا جەكە جازباشا تۇردە:
- ماتەماتيكالىق (ماتەماتيكا, فيزيكا, حيميا پاندەرىنەن كىرىكتىرىلگەن تاپسىرمالار);
- جاراتىلىستانۋ-عىلىمي (حيميا, بيولوگيا, گەوگرافيا پاندەرىنەن كىرىكتىرىلگەن تاپسىرمالار);
- باعدارلامالاۋ (Pascal, س++, Python تىلدەردىڭ بىرىندە ەسەپ شەشۋ).
ءىى تۋر – جازباشا جانە اۋىزشا تۇردە (تەوريا جانە پراكتيكا) 6 ءپاننىڭ ءبىرى تاڭداۋ بويىنشا, ماتەماتيكا, فيزيكا, حيميا, بيولوگيا, گەوگرافيا - اۋىزشا, ينفورماتيكا - جازباشا. 2-تۋردىڭ پراكتيكالىق تاپسىرمالارىنىڭ شەشىمدەرى قازىلار القاسىنىڭ مۇشەلەرىنە اۋىزشا تاپسىرىلادى.
ەكى تۋر ناتيجەلەرى بويىنشا شىعارىلعان وليمپيادا قورىتىندىسىندا 61 وقۋشى جەڭىمپاز بەن جۇلدەگەر اتانىپ, قازاقستان رەسپۋبليكاسى وقۋ-اعارتۋ مينيسترلىگى «دارىن» رەسپۋبليكالىق عىلىمي-پراكتيكالىق ورتالىعىنىڭ ديپلومدارىمەن, قۇرمەت گراموتالارىمەن ماراپاتتالدى, ونىڭ ىشىندە ءى ورىن – 8, ءىى ورىن – 13, ءىىى ورىن – 30, كۇرمەت گراموتا – 10.
جەڭىمپازدار مەن جۇلدەگەرلەرگە باعالى سىيلىقتارى تابىستالدى.
وليمپيادا قاتىسۋشىلارىنا اكادەميك ق.ي.ساتباەۆتىڭ مەموريالدىق مۇراجايىنا جانە باياناۋىلدىڭ ۇلتتىق تابيعي ساياباعىنا قىزىقتى ەكسكۋرسيا ۇيىمداستىرىلدى.
