ەنەرگەتيكانى دامىتۋعا ينۆەستيتسيالار

كەشە ۇكىمەت ۇيىندە پرە­مەر-ءمينيستردىڭ ءبى­رىن­شى ورىنباسارى با­قىت­جان ساعىنتاەۆ ەكىباس­تۇز گرەس-1, گرەس-2 جانە «الماتى ەلەكتر ستان­سا­سى» اق سياقتى ءىرى ەلەكتر ستانسالارىنىڭ ەلەكتر ەنەر­گياسىن وندىرۋگە شەكتى تاريفتەر اياسىن­دا ينۆەستيتسيالىق باعدار­لا­ما­لاردى جۇزەگە اسىرۋ ءما­سە­لەلەرى بويىنشا كەڭەس ءوت­كىزدى, دەپ حابارلادى پرە­مەر-ءمينيستردىڭ باسپا­سوز قىزمەتى. كەڭەس جۇمىسىنا ورتالىق مەملەكەتتىك ورگاندار, «سامۇ­رىق-قازىنا» ۇاق جانە ەنەرگيا وندىرەتىن كاسىپورىندار باسشىلارى قاتىستى. شەكتى تاريفتەر پايدا­لا­نىلعان سوڭعى 5 جىلدا ەلەك­تر ەنەرگەتيكاسىنا ينۆەستي­تسيا كولەمى 5 ەسە ارتىپ, بار­­لىعى 700 ملرد. تەڭگەگە جۋىق قاراجاتتى قۇرادى. بۇل جۇ­مىس ىستەپ جاتقان جالپى قۋات­تى­لىعى 5000 مۆت ەلەكتر ستانسالارىن جاڭعىرتىپ, تاعى 1700 مۆت ەلەكتر قۋاتتىلىعىن ىسكە قوسۋعا مۇمكىندىك بەردى. 2015 جىلدىڭ سوڭىنا دەيىن قوسىمشا 3300 مۆت قۋاتتىلىق پايدالانۋعا بەرىلەدى. كەڭەس شەڭبەرىندە با­قىت­جان ساعىنتاەۆ ينۆەستي­تسيا­لىق باعدارلامالار اياسىندا وتكىزىلەتىن رەسۋرستار­دى قالپىنا كەلتىرۋ جانە كاسىپ­ورىنداردىڭ قۋاتتىلىق­تارىن دامىتۋ بويىنشا ناقتى جوبالاردى جۇزەگە اسىرۋ بارىسى تۋرالى ەلەكتر ستانسالارى باسشىلارىنىڭ ەسەپتەرىن تىڭ­دادى, سونداي-اق, ولاردى ۋاقتىلى جانە ساپالى ورىنداۋ بويىنشا بىرقاتار تاپسىرمالار بەردى.