«جەر-2024» وقۋ-جاتتىعۋلارى 3 جانە 4 ماۋسىمدا الماتى, شىمكەنت, اباي, جەتىسۋ, الماتى, شىعىس قازاقستان, جامبىل, قىزىلوردا, تۇركىستان وبلىستارىندا وتەدى. وقۋ-جاتتىعۋدى ۇيلەستىرۋ جونىندەگى رەسپۋبليكالىق شتاب شىعىس قازاقستان وبلىسىنىڭ وسكەمەن قالاسىندا ورنالاسقان.
3 ماۋسىم ساعات 10:00-دە جويقىن جەر سىلكىنىسىنە ۇشىراۋ مۇمكىندىگى بار اتالعان وڭىرلەردە «بارشانىڭ نازارىنا!» سيرەنا-سويلەۋ قۇرىلعىلارى ىسكە قوسىلادى. سونداي-اق ادام كوپ جينالاتىن وبەكتىلەردە سەيسميكالىق جاتتىعۋلار وتكىزىلەدى. وقۋ-جاتتىعۋ ازاماتتىق قورعاۋدىڭ مەملەكەتتىك جۇيەسىنىڭ جويقىن جەر سىلكىنىسى ناتيجەسىندە تۋىنداعان توتەنشە جاعدايدى جويۋعا دايىندىق دەڭگەيىن ارتتىرۋ ماقساتىندا جۇرگىزىلمەك.
اتالعان ءىس-شارا رەسپۋبليكالىق جانە وڭىرلىك ازاماتتىق قورعاۋ قىزمەتتەرىنىڭ, جەرگىلىكتى اتقارۋشى ورگانداردىڭ قاتىسۋىمەن, شارتتى تۇردە جويقىن سىلكىنىس كەزىندەگى ءىس-ارەكەتتەردى پىسىقتاۋ ارقىلى وتكىزىلەدى.
ونىڭ بارىسىندا اۆاريالىق-قۇتقارۋ جۇمىستارى, زارداپ شەككەن تۇرعىنداردى شۇعىل قابىلداۋ پۋنكتتەرى, ولاردى قابىلداۋ مەن كومەك كورسەتۋگە ارنالعان پالاتكالىق لاگەرلەر مەن دالالىق مەديتسينالىق اۋرۋحانالار تانىستىرىلادى.
التىناي ابدىش,
ل.ن. گۋميلەۆ اتىنداعى ەۇۋ ستۋدەنتى
