ءدىني بايلانىستار نىعايا تۇسەدى

قازاقستان رەسپۋبليكاسى مادەنيەت جانە سپورت مينيسترلىگى ءدىن ىستەرى كوميتەتىنىڭ توراعاسى عالىم شويكيننىڭ باسشىلىعىمەن قۇرىلعان دەلەگاتسيا تۇرىك رەسپۋبليكاسىنا جۇمىس ساپارىمەن كەلدى. ساپار بارىسىندا ع.شوي­كين تۇركيانىڭ ءدىن ىستەرى باس­قار­ماسىنىڭ توراعاسى مەحمەت گورمەز­بەن, «حاسەكي» ءدىن ورتالى­عى­نىڭ باسشىلىعىمەن جانە ان­كا­را, ىستامبۇل, كونيا قالا­لار­ىن­دا ورنالاسقان ءدىن ىستەرى باسقار­مالارىنىڭ وكىلدەرىمەن كەزدەستى. كەزدەسۋ كەزىندە قازاقستان مەن تۇركيا ءدىن باسقارمالارىنىڭ وكىل­دەرى ەكى مەملەكەت ارا­سىن­داعى تەو­لوگيالىق ءبىلىم بەرۋ باعى­تىنداعى قارىم-قاتىناس دەڭگەيىن تالقىلادى. اتاپ ايتقاندا, ءتۇر­كيا ءدىن ىستەرى باسقارماسىنىڭ توراعاسى م.گورمەز باۋىرلاس قازاقستانمەن قارىم-قاتىناستى كەڭەيتۋگە جانە نىعايتۋعا دايىن ەكەندىگىن ءبىلدىردى. سونىمەن قاتار, ول قازىرگى تاڭدا تۇركيا اۋما­عىندا 85 مىڭ مەشىت, 700-گە جۋىق تەولوگيالىق ليتسەي مەن قۇران وقىپ ۇيرەنۋ كۋرستارى جانە تۇركيا جوعارى وقۋ ورىندارىندا 100-گە جۋىق تەولوگيالىق فاكۋلتەتتەردىڭ بار ەكەندىگىن حابارلادى. جوعارىدا اتالعان بارلىق مەشىتتەردىڭ جانە وقۋ ورىندارىنىڭ قىزمەتىن ءدىن ىستەرى باسقارماسىندا جۇمىس ىستەيتىن 1000-عا جۋىق قىزمەتكەر مەن ساراپشى قاداعالايتىنىن جەتكىزدى. سونىمەن قاتار, م.گورمەز تۇركيادا يمامداردىڭ مەملەكەتتىك قىزمەتكەر مارتەبەسىنە يە ەكەن­دىگىن جانە ولار قاجەتتى الەۋمەت­تىك پاكەتپەن قامتاماسىز ەتىلە­تىن­دىگىن ايتا وتىرىپ, قازىرگى تاڭدا ەلدە مەملەكەت تاراپىنان قار­جىلاندىرىلاتىن ليتسەي مەن كول­لەدج دەڭگەيىندەگى ءدىني وقۋ ورىن­دارىندا جانە جوعارى وقۋ ورىن­دارىندا تەoلوگيالىق فاكۋل­تەتتەردىڭ بار ەكەندىگىن مالىمدەدى. ءدىن سالاسىندا جاسالعان قاجەتتى جاعدايلاردىڭ ناتيجەسىندە حالىقتىڭ ءدىني ساۋاتتىلىعى جوعارى ەكەنىن جانە ەكسترەميستىك اعىمداردىڭ تۇركيا حالقىنىڭ سانا-سەزىمىنە اسەر ەتۋ دەڭگەيى وتە تومەن ەكەنىن اتاپ كورسەتتى. كەزدەسۋ ناتيجەسىندە قازاق­ستان­دىق ءدىني قىزمەتكەرلەرگە تەو­لوگيالىق ءبىلىم بەرۋ جانە باسقا دا ءدىني باعىتتار بويىنشا ەكى ەلدىڭ ۆەدومستۆولار­ارالىق قارىم-قاتىناسىن نىعايتۋعا باعىتتالعان حاتتاما دايىنداۋ جونىندە ۋاعدالاستىققا قول جەتكىزىلدى. «ەگەمەن-اقپارات».