فوتو: سەنات
كوميتەت توراعاسى اندرەي لۋكين ءوز سوزىندە جاھاندىق جانە وڭىرلىك احۋال كۇرت وزگەرىپ جاتقان كەزدە ەلىمىزگە ناقتى ناتيجەسى بولۋى ءۇشىن قازاقستاننىڭ حالىقارالىق باستامالارىن نەعۇرلىم ءتيىمدى جانە جۇيەلى ىلگەرىلەتۋ ماڭىزدى ەكەنىن اتاپ ءوتتى.
«ەلىمىزدىڭ بەت-بەينەسىن قالىپتاستىرۋ وڭاي ءىس ەمەس, ويتكەنى بۇل باسەكەلەستىك جاعدايىندا جۇرەدى جانە قىزمەتتىڭ بارلىق سالالارىندا جۇيەلى, لوگيكالىق جانە ماقساتتى جۇمىستى تالاپ ەتەدى. ۇلتتىق برەند, مادەني مۇرا, ءبىلىم, عىلىم جانە تەحنولوگيا, ەكونوميكالىق تۇراقتىلىق, ەلىمىزدىڭ الەمدىك قوعامداستىققا بەدەلى مەن ىقپالى, شەت ەلدەرمەن ينتەگراتسيا - وسىنىڭ ءبارى ەلىمىزدىڭ كۇشتى جانە كەلەشەگى زور ارىپتەس رەتىندە تانىلۋىنا اسەر ەتەدى. بۇل ماسەلەلەرگە نازار اۋدارماۋ الەمدىك ارەنادا ايتارلىقتاي شىعىنعا اكەلۋى مۇمكىن», دەدى سەناتور لۋكين.
كەزدەسۋ بارىسىندا ەلىمىزدىڭ ساياسي كەلبەتى مەن سىرتقى ينۆەستيتسياعا, بيۋدجەتتى ۇنەمدەۋ جانە ءىرى شارالاردى قايتا قاراۋعا قاتىستى ماسەلەلەر تالقىلاندى. «قورعاس – شىعىس قاقپاسى» ەكونوميكالىق ايماعىندا ونەركاسىپتى قالا سالۋ جانە قازاقستاننىڭ حالىقارالىق قۇرىلىمعا ءتيىمدى قاتىسۋى سياقتى بالاما جوبالاردى ازىرلەۋ ماسەلەسىنە ەرەكشە نازار اۋدارىلدى. سونداي-اق سىرتقى ىستەر ءمينيسترىنىڭ ورىنباسارى رومان ۆاسيلەنكو مەن مادەنيەت جانە اقپارات ءمينيسترىنىڭ ورىنباسارى قانات ىسقاقوۆ بايانداما جاسادى.
