فوتو: سەنات
ماۋلەن اشىمباەۆ مەملەكەت باسشىسى اكادەميانىڭ جۇمىسىن جانداندىرۋ ءۇشىن ناقتى مىندەتتەر جۇكتەگەنىن ايتىپ, ونى بىرلەسىپ ىسكە اسىرۋ كەرەكتىگىن تىلگە تيەك ەتتى. سونداي-اق ول بۇل رەتتە عىلىم اكادەمياسىنىڭ دەربەستىگىن قامتاماسىز ەتۋ اسا ماڭىزدى ەكەنىن اتاپ ءوتتى.
«ۇلتتىق عىلىم اكادەمياسى – دەربەس ۇيىم. ول مينيسترلىكتىڭ ءبىر دەپارتامەنتى بولماۋى كەرەك. اكادەميا عىلىمعا, مەملەكەتتىڭ بولاشاعى مەن ەكونوميكاسىنا قاتىستى ويلار اشىق ايتىلاتىن, ءتۇرلى پىكىرتالاستار بولاتىن جەر. سوندىقتان اتالعان ۇيىمدى الەمدەگى ستاندارتتارعا ساي دامىتامىز دەسەك, ونىڭ دەربەستىگىن قامتاماسىز ەتۋىمىز كەرەك. اكادەميانىڭ زاڭدا كورسەتىلگەن قۇزىرەتتەرىمەن مارتەبەسى بولۋعا ءتيىس. سول سەبەپتى ءتيىستى قۇقىقتىق بازانى ءارى قاراي دا دامىتۋ قاجەت دەپ ەسەپتەيمىز», دەدى سەنات سپيكەرى.
