قوعام • 30 مامىر, 2024

جول قاۋىپسىزدىگى ماسەلەلەرى بويىنشا ۆەدومستۆوارالىق جۇمىس توبىنىڭ وتىرىسى ءوتتى

100 رەت
كورسەتىلدى
1 مين
وقۋ ءۇشىن

28 مامىردا ىشكى ىستەر, ادىلەت, وقۋ-اعارتۋ, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىنىڭ, سوت اكىمشىلىگى, «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق, جەكە سوت ورىنداۋشىلارىنىڭ رەسپۋبليكالىق پالاتاسى, جۇرگىزۋشىلەردى دايارلاۋ جونىندەگى كاسىپتىك بىرلەستىكتەر كونسورتسيۋمى باسشىلىقتارى مەن جاۋاپتى قىزمەتكەرلەرىنىڭ قاتىسۋىمەن جول قوزعالىسى قاۋىپسىزدىگىن قامتاماسىز ەتۋ جونىندەگى ۆەدومستۆوارالىق جۇمىس توبىنىڭ كەزەكتى وتىرىسى ءوتتى, دەپ حابارلايدى Egemen.kz.

جول قاۋىپسىزدىگى ماسەلەلەرى بويىنشا ۆەدومستۆوارالىق جۇمىس توبىنىڭ وتىرىسى ءوتتى

فوتو: El.kz

ءىس-شارانى اشا وتىرىپ, كوميتەت توراعاسى سابيت نۇرلىباي بۇل وتىرىس قازاقستان رەسپۋبليكاسى زاڭدىلىقتى, ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ 2023 جىلعى 28 قىركۇيەكتەگى شەشىمىن ىسكە اسىرۋ اياسىندا وتكىزىلىپ جاتقانىن ەسكە سالدى.

وتىرىس شەڭبەرىندە مەملەكەتتىك قىزمەتتەردى كورسەتۋ, قۇقىق قورعاۋ ورگاندارىنىڭ قىزمەتىن تسيفرلاندىرۋ, سونداي-اق كولىك قۇرالىن باسقارۋ قۇقىعىنان ايىرۋ تۇرىندەگى قولدانىلعان اكىمشىلىك جازالار تۋرالى اقپاراتتىڭ دۇرىستىعى, «جول ءجۇرىسى تۋرالى» زاڭنىڭ 13-بابىنا سايكەس بالالارعا جول ءجۇرۋ ەرەجەلەرىن وقىتۋ بويىنشا ۇلگىلىك ءبىلىم بەرۋ باعدارلاماسىن ەنگىزۋ ماسەلەلەرى تالقىلاندى.

سونىمەن قاتار تالقىلاۋدى ەسكەرە وتىرىپ, مەملەكەتتىك قىزمەتتەردى ساپالى كورسەتۋ ماقساتىندا جوعارعى سوت پەن ىشكى ىستەر مينيسترلىگىنىڭ اقپاراتتىق جۇيەلەرىن جەتىلدىرۋ ۇسىنىلدى.

سوڭعى جاڭالىقتار