فوتو: اقوردانىڭ ءباسپاسوز قىزمەتى
پرەزيدەنتكە باقتىقوجا ىزمۇحامبەتوۆ «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ اتقارىپ جاتقان جۇمىستارىن باياندادى.
«باقتىقوجا ىزمۇحامبەتوۆتىڭ ايتۋىنشا, قازىر 2 جوبا جۇزەگە اسىرىلىپ جاتىر. اتاپ ايتقاندا, «دانەكەر» باستاماسى قولعا الىنعان. ونىڭ ناتيجەسىندە سوڭعى 4 جىلدا 6896 داۋدىڭ 4563-ىندە تاراپتار ءىستى سوتقا جەتكىزبەي كەلىسىمگە كەلگەن. ال مۇقتاج ازاماتتارعا الەۋمەتتىك قولداۋ كورسەتۋگە باعىتتالعان «ىسكەرلىك جانە جاناشىرلىق» جوباسى قازىر اتىراۋ, سولتۇستىك قازاقستان جانە قىزىلوردا وبلىستارىندا ىسكە اسىرىلىپ جاتىر», دەلىنگەن ەسەپتە.
سونىمەن قاتار مەملەكەت باسشىسىنا اعا بۋىن وكىلدەرىنىڭ «قوعامدىق باقىلاۋ تۋرالى» زاڭدى جۇزەگە اسىرۋعا بەلسەندى قاتىسۋى تۋرالى ايتىلدى. سۋ تاسقىنىمەن كۇرەسۋ بارىسىندا ارداگەرلەر ازاماتتاردى سابىرعا شاقىرىپ, جان-جاقتى ءتۇسىندىرۋ جۇمىستارىن جۇرگىزدى.
سونداي-اق پرەزيدەنتكە مۇناي-گاز سالاسىن, اۋىل شارۋاشىلىعىن دامىتۋ, ءدىني احۋال, سونداي-اق وڭىرلەردەگى ازىق-ت ۇلىك باعاسىن تۇراقتاندىرۋ بويىنشا ۇسىنىستار ايتىلدى.
قىرمىزى جۇماعاليقىزى,
ەۇۋ ستۋدەنتى
