فوتو: inbusiness.kz
ءىىم اكىمشىلىك پوليتسيا كوميتەتى توراعاسىنىڭ ورىنباسارى رەنات زۇلحايىروۆ قازاقستاندا سوڭعى بەس جىلدا كامەلەتكە تولماعاندار تاراپىنان جاسالعان قىلمىستار سانى ازايىپ كەلە جاتقانىن ايتتى. الايدا بۇل قۇقىق بۇزۋشىلىقتار اتا-انالاردىڭ ءتيىستى قاداعالاۋىنىڭ بولماۋىنان ورىن الىپ جاتقانىن ايتتى.
«جىل سايىن رەسپۋبليكا بويىنشا اتا-اناسىنىڭ ەرۋىنسىز جۇرگەن 100 مىڭنان استام كامەلەتكە تولماعان بالالار تۇنگى ۋاقىتتا كوشەدەن پوليتسياعا جەتكىزىلەدى. وندا ولار قىلمىستىڭ قۇربانى بولا الادى نەمەسە وزدەرى بەلگىلى ءبىر ارەكەتتەردى جاساي الادى», دەدى رەنات زۇلحايىروۆ.
سونداي-اق ول 2024 جىلدىڭ قاڭتار-ءساۋىر ارالىعىندا بالالاردىڭ تۇندە اتا-انالارىنىڭ ەرىپ ءجۇرۋىنسىز كوشەدە جۇرگەنى ءۇشىن 39 مىڭ اتا-انانىڭ اكىمشىلىك جاۋاپكەرشىلىككە تارتىلعانىن ايتتى. سونىمەن قاتار تۇنگى ۋاقىتتا كامەلەتكە تولماعاندارعا ءتۇرلى قىزمەت كورسەتكەنى ءۇشىن 1,2 مىڭنان استام كاسىپكەر جاۋاپكەرشىلىككە تارتىلدى.
قىرمىزى جۇماعاليقىزى,
ەۇۋ ستۋدەنتى
