فوتو:gov.kz
مەملەكەت باسشىسىنان جوعارعى سوت سۋدياسى يبراشەۆ تالعات اۋليەحان ۇلىن باسقا قىزمەتكە تاعايىندالۋىنا بايلانىستى جوعارعى سوت سۋدياسى قىزمەتىنەن بوساتۋ تۋرالى ۇسىنىس ءتۇستى.
«كوميتەت ءوزىنىڭ كەڭەيتىلگەن وتىرىسىندا مەملەكەت باسشىسىنىڭ ۇسىنىسىن قاراۋ ناتيجەسى بويىنشا قورىتىندى شىعاردى. پرەزيدەنت ۇسىنىمى نەگىزىندە جانە كونستيتۋتسيانىڭ 55-بابىنىڭ 1-تارماقشاسىنا, پارلامەنت جانە ونىڭ دەپۋتاتتارى مارتەبەسى تۋرالى زاڭنىڭ 22-بابىنا, سوت جۇيەسى جانە سۋديالاردىڭ مارتەبەسى تۋرالى زاڭنىڭ 34-بابىنا 1-تارماعىنىڭ 8-تارماقشاسىنا, 3-ءشى تارماعىنىڭ 1-ءشى تارماقشاسىنا سايكەس, كوميتەت پارلامەنت سەناتىنا تالعات اۋليەحان ۇلى يبراشەۆتى باسقا قىزمەتكە تاعايىنداۋىنا بايلانىستى جوعارعى سوتتىڭ سۋدياسى قىزمەتىنەن بوساتۋدى ۇسىنادى», دەدى كوميتەت باسشىسى نۇرلان قۇديار ۇلى.
سەنات دەپۋتاتتارىنىڭ داۋىس بەرۋ ناتيجەسىندە قاۋلى قابىلدانىپ, سۋديا قىزمەتىنەن بوساتىلدى.
قىرمىزى جۇماعاليقىزى,
ەۇۋ ستۋدەنتى
