57 جاستاعى ەر ادام سوڭعى ۋاقىتتا شالعايداعى جارقايىڭ اۋدانىندا ەڭبەك ەتىپ جۇرگەن. ءبىر اپتا بۇرىن ول كەنەتتەن جوعالىپ كەتكەن.
داۋلەتباي كاكەش جوعالار الدىندا بىرنەشە اپتا بۇرىن شارۋاشىلىققا جۇمىسقا ورنالاسقان. بۇعان دەيىن ول وتباسىمەن بىرگە استانادا تۇرىپ كەلگەن.
22 مامىردا شارۋا قوجالىعىنىڭ قىزمەتكەرلەرى قويشىسىن تابا الماي قالدى. ول جايىلىمدا دا, ءوزى تۇرعان ۆاگوندا دا جوق بولىپ شىقتى. الدىمەن ولار ءوز كۇشتەرىمەن ىزدەۋگە تىرىسقان, ال ءتورت كۇننەن كەيىن كاسىپورىن باسشىسى پوليتسەيلەردەن كومەك سۇرادى. جوعالعان مالشىنى ىزدەۋگە 50 ادام شىققان. قاتارىندا پوليتسيا قىزمەتكەرلەرى, تجد قۇتقارۋشىلارى جانە ەرىكتىلەر بار.
- ءوتىنىشتى العاننان كەيىن بىردەن پوليتسەيلەر كەڭ اۋقىمدى ىزدەۋ جۇمىستارىن ۇيىمداستىردى. ارنايى ىزدەستىرۋ ءىس-شارالارىن جۇرگىزۋ ءۇشىن قىزمەتتىك تەحنيكا, موتورلى قايىقتار ءبولىندى, درون ارقىلى اۋەدەن دە قارادىق,- دەيدى قۇتقارۋشىلار.
پوليتسەيلەر جۇمباق جاعدايدا جوعالعان ازاماتتى تابۋعا حالىقتان كومەك سۇراۋدا.
