فوتو: ەۇۋ
ءتيىستى كەلىسىمگە ەۇۋ رەكتورى ەرلان سىدىقوۆ پەن ناننينسك پەداگوگيكالىق ۋنيۆەرسيتەتىنىڭ پرەزيدەنتى لي چۋانكي قول قويدى. تاراپتار قىتايدا ەۋرازيا عىلىمي-تەحنولوگيالىق ينستيتۋتىن بىرلەسىپ قۇرۋدى كوزدەپ وتىر. العاشقى قابىلداۋ جانە ستۋدەنتتەردى باكالاۆريات دەڭگەيىندە وقىتۋ اسپان استى ەلىندە بيىلدان باستاپ جۇزەگە اسادى. ۋنيۆەرسيتەت قۇرۋ تۋرالى باستامانى قىتايلىق تاراپ كوتەردى.
«قىتاي ستۋدەنتتەرى ءۇشىن ءوز ەلدەرىنىڭ اۋماعىندا ەۇۋ ديپلومىن الۋعا مۇمكىندىك بەرىلەدى. ءبىزدىڭ جوو-نىڭ پروفەسسورلىق-وقىتۋشىلىق قۇرامى ناننين قالاسىنا بارىپ, وقۋ پروتسەسىن جۇرگىزەدى. ءبىز ىنتىماقتاستىقتى دامىتۋعا جانە ءوز تاجىريبەمىزدى قحر-داعى ارىپتەستەرىمىزبەن بولىسۋگە نيەتتىمىز. ەۇۋ فيليالىنىڭ ناننينسك پەداگوگيكالىق ۋنيۆەرسيتەتىمەن بىرلەسكەن ينستيتۋتتىڭ اشىلۋى - ءبىزدىڭ جوعارى وقۋ ورىندارىمىز ءۇشىن اۋقىمدى ءارى ماڭىزدى جوبا», دەدى ەۇۋ رەكتورى ەرلان سىدىقوۆ.
ايتا كەتەيىك, قىتايدا بىرلەسكەن ينستيتۋتتى اشۋعا دايىندىق جۇمىستارى 2 جىلعا سوزىلدى. بيولوگيا عىلىمدارى, حيميا جانە قولدانبالى حيميا سالالارىندا جاھاندىق ءبىلىم بەرۋ باعدارلامالارى ازىرلەندى.
ناننينسك پەداگوگيكالىق ۋنيۆەرسيتەتىنىڭ پرەزيدەنتى لي چۋانكي اتاپ وتكەندەي, ەكى ۋنيۆەرسيتەت اراسىنداعى ىنتىماقتاستىق پەن بىرلەسكەن ءبىلىم بەرۋ مەكەمەلەرىن ىلگەرىلەتۋ الەمدىك دامۋ ۇردىستەرىنە بەيىمدەلە الاتىن تالانتتى مامانداردى دايارلاۋعا ىقپال ەتەدى.
ء«بىزدىڭ وقۋ ورىندارىمىزدىڭ تىعىز ىنتىماقتاستىق ورناتۋدا ارتىقشىلىقتارى مەن نەگىزدەرى بار. «قىتاي-حالىقارالىق ىنتىماقتاستىعىنىڭ اقپاراتتىق پلاتفورماسى» ارقىلى ناننين پەداگوگيكالىق ۋنيۆەرسيتەتى مەن ەۋرازيا ۇلتتىق ۋنيۆەرسيتەتى جان-جاقتى ىنتىماقتاستىق ورناتىپ, اكادەميالىق ۇتقىرلىق پەن عىلىمي بايلانىستى جالعاستىرادى جانە تەرەڭدەتە تۇسەدى دەپ سەنەمىن», دەدى ول.
اتاپ وتكەن ءجون, 2022 جىلى ەۇۋ فيليالى قىرعىزستاندا اشىلعان ەدى. ۇلتتىق ۋنيۆەرسيتەت كەلەسى جىلى شەتەلدە تاعى ءبىر وكىلدىگىن اشۋدى جوسپارلاپ وتىر.
